ಮೈಸೂರಿನಲ್ಲಿ 17 ಲಕ್ಷ ಲಸಿಕೆ ಸಂಗ್ರಹ ಸಾಮರ್ಥ್ಯ: ವ್ಯವಸ್ಥಾಪಕ ಅಶೋಕ್

ಮೈಸೂರು: ಜಿಲ್ಲೆಯಲ್ಲಿ ಎರಡು ದೊಡ್ಡ ವ್ಯಾಕ್ಸಿನ್ ಕೂಲರ್​ಗಳಿದ್ದು, 17 ಲಕ್ಷ ಲಸಿಕೆ ಸಂಗ್ರಹಿಸುವ ಸಾಮರ್ಥ್ಯ ಇದೆ ಎಂದು ವ್ಯವಸ್ಥಾಪಕ ಅಶೋಕ್, ಈಟಿವಿ ಭಾರತಕ್ಕೆ ಮಾಹಿತಿ ನೀಡಿದ್ದಾರೆ. ಈ ತಿಂಗಳ 13ರ ನಂತರ ಕೋವಿಡ್ ಲಸಿಕೆ ಬರಬಹುದು. ಆದ್ದರಿಂದ ಶೇಖರಣೆಗೆ ಎಲ್ಲಾ ರೀತಿಯ ಸಿದ್ಧತೆ ಮಾಡಿಕೊಳ್ಳಲಾಗಿದೆ. ಡಿಎಚ್ಒ ಕಚೇರಿ ಪಕ್ಕದ ವ್ಯಾಕ್ಸಿನ್ ಶೇಖರಣಾ ಘಟಕದಲ್ಲಿ ಎರಡು ದೊಡ್ಡ ಗಾತ್ರದ ವ್ಯಾಕ್ಸಿನ್ ಕೂಲರ್ ಇದ್ದು, ಇದರಲ್ಲಿ ಒಂದೊಂದು ವ್ಯಾಕ್ಸಿನ್ ಕೂಲರ್​ನಲ್ಲಿ 8.5 ಲಕ್ಷ ಲಸಿಕೆ ಸಂಗ್ರಹಿಸಬಹುದು. ಲಸಿಕೆಯನ್ನು 2-8 ಡಿಗ್ರಿ ತಾಪಮಾನದಲ್ಲಿ ಇಡಬೇಕು ಎಂದು ಅಶೋಕ್ ಮಾಹಿತಿ ನೀಡಿದ್ದಾರೆ.