ನೀರು ತರಲು ಹೋದ ಯುವಕನ ಮೇಲೆ ಪೊಲೀಸರ ದರ್ಪ ...ಈ ವಿಡಿಯೋ ನೋಡಿ - ಪೊಲೀಸರ ಹಲ್ಲೆ

ಬೆಳಗಾವಿ: ಕುಡಿವ ನೀರು ತರಲು ಹೋದ ಯುವಕನಿಗೆ ಪೊಲೀಸರು ಮನಬಂದಂತೆ ಲಾಠಿ ಏಟು ನೀಡಿ,‌ ಬಸ್ಕಿ ಹೊಡಿಸಿದ ಅಮಾನವೀಯ ಘಟನೆ ಜಿಲ್ಲೆಯ ಗೋಕಾಕ್​ ನಗರದಲ್ಲಿ ನಡೆದಿದೆ. ಬೈಕ್ ಮೇಲೆ ನೀರಿನ ಕ್ಯಾನ್ ಸಮೇತ ಯುವಕ ಶುದ್ದೀಕರಣ ಘಟಕಕ್ಕೆ ಹೊರಟ್ಟಿದ್ದನು. ನೀರು ತರಲು ಹೋಗುತ್ತಿದ್ದೇನೆ ಎಂದು ಯುವಕ‌ ಪೊಲೀಸರಿಗೆ ಹೇಳಿದರೂ ಪೊಲೀಸರು ಹಿಗ್ಗಾಮಗ್ಗಾ ಥಳಿಸಿದ್ದಾರೆ. ತಪ್ಪಾಯ್ತು ಎಂದು ಯುವಕ ಬೇಡಿಕೊಂಡರೂ ಪೊಲೀಸರು ಬಿಡಲಿಲ್ಲ. ಅಗತ್ಯ ಸಾಮಗ್ರಿ ಕೊಳ್ಳಲು ಹೋಗುತ್ತಿರುವವರ ಮೇಲೆಯೂ ಪೊಲೀಸರು ಲಾಠಿ ಬೀಸುತ್ತಿದ್ದಾರೆ. ಬೆಳಗ್ಗೆಯಷ್ಟೇ ಪಡಿತರ ಅಂಗಡಿ ಹಾಗೂ ಕಿರಾಣಿ ಅಂಗಡಿ ಮೇಲೆಯೂ ಗೋಕಾಕ್​ ನಗರ‌ ಪೊಲೀಸರು ದಾಳಿ ಮಾಡಿ ಲಾಠಿ ಬೀಸಿದ್ದರು. ಪೊಲೀಸರ ಈ ವರ್ತನೆಗೆ ಎಲ್ಲಾ ಕಡೆಯಿಂದ ತೀವ್ರ ಆಕ್ರೋಶ ವ್ಯಕ್ತವಾಗುತ್ತಿದೆ.