ಪಾವಗಡದಲ್ಲಿ ಕೆಂಡ ಹಾಯುವ ವೇಳೆ ಆಯತಪ್ಪಿ ಬಿದ್ದ ವ್ಯಕ್ತಿ - ಮೊಹರಂ ಹಬ್ಬದ ಹಿನ್ನೆಲೆ ಕೆಂಡ ತುಳಿಯುವ ಸಂಪ್ರದಾಯ

ತುಮಕೂರು: ಕೆಂಡ ಹಾಯುವಾಗ ಈಗಾಗಲೇ ಹಲವು ಅವಘಡಗಳು ನಡೆದಿವೆ. ಹಲವರು ಗಂಭೀರವಾಗಿ ಗಾಯಗೊಂಡಿರುವ ಉದಾಹರಣೆಗಳಿವೆ. ಅದೇ ರೀತಿ ಮೊಹರಂ ಹಬ್ಬದ ವೇಳೆ ಕೆಂಡ ತುಳಿಯುವಾಗ ವ್ಯಕ್ತಿವೋರ್ವ ಕಾಲು ಜಾರಿ ಬಿದ್ದಿರುವ ಘಟನೆ ಜಿಲ್ಲೆಯ ಪಾವಗಡ ಪಟ್ಟಣದಲ್ಲಿ ನಡೆದಿದೆ. ಸ್ಥಳದಲ್ಲಿದ್ದವರು ತಕ್ಷಣ ಕೈಹಿಡಿದು ಕೆಂಡದಲ್ಲಿ ಬಿದ್ದ ವ್ಯಕ್ತಿಯನ್ನು ರಕ್ಷಿಸಿದ್ದಾರೆ. ರೊಪ್ಪ ಗ್ರಾಮದ ನಿವಾಸಿ ಹರಕೆ ತೀರಿಸಲು ಬರಿಮೈಯಲ್ಲಿ ಕೆಂಡ ಹಾಯುವಾಗ ಆಯತಪ್ಪಿ ಬಿದ್ದಿದ್ದ. ಗಾಯಾಳುವನ್ನು ಸಾರ್ವಜನಿಕ ಆಸ್ಪತ್ರೆಗೆ ದಾಖಲಿಸಲಾಗಿದೆ.