ಎಸ್​ಎಸ್​​ಎಲ್​ಸಿ ಫಲಿತಾಂಶ ಹೆಚ್ಚಳಕ್ಕೆ ಪೋಷಕರಿಂದ ಸ್ವಯಂ ಪ್ರೇರಿತ ಡಿಶ್ ಸಂಪರ್ಕ ಕಡಿತ - Dish connection cut

ಕೊಪ್ಪಳ ಜಿಲ್ಲೆ ಎಸ್​ಎಸ್​​ಎಲ್​ಸಿ ಫಲಿತಾಂಶದಲ್ಲಿ ಹಿಂದಿದೆ ಅನ್ನೋ ಹಣೆಪಟ್ಟಿ ಕಟ್ಟಿಕೊಂಡಿದೆ. ಆದ್ರೆ ಈ ಬಾರಿ ಮಾತ್ರ ಉತ್ತಮ ಫಲಿತಾಂಶ ತಂದುಕೊಡಲೇಬೇಕು ಅಂತ ಕೊಪ್ಪಳ ತಾಲೂಕಿನ ಮೈನಳ್ಳಿ, ಬಿಕನಳ್ಳಿ ಹಾಗೂ ಹಂದ್ರಾಳ ಗ್ರಾಮಗಳು ಪಣ ತೊಟ್ಟಿವೆ. ಇದಕ್ಕಾಗಿ ಮನೆಯಲ್ಲಿದ್ದ ಡಿಶ್ ಸಂಪರ್ಕವನ್ನೇ ಬಂದ್ ಮಾಡಿಸಿದ್ದಾರೆ. ಉತ್ತಮ ಫಲಿತಾಂಶ ಬರಲಿ ಅಂತ ಗ್ರಾಮಸ್ಥರೇ ಸ್ವಯಂ ಪ್ರೇರಿತರಾಗಿ ಈ ನಿರ್ಧಾರಕ್ಕೆ ಬಂದಿದ್ದಾರೆ. ಮನೆಯಲ್ಲಿ ಟಿವಿ ನೋಡುವವರಿದ್ದರೆ ಅವರ ಜೊತೆ ಮಕ್ಕಳು ಸೇರಿಕೊಂಡು ಟಿವಿ ನೋಡುತ್ತಾರೆ. ಪರೀಕ್ಷೆ ಸಮಯ ಆಗಿರೋದ್ರಿಂದ ಅವರಲ್ಲಿ ಓದಿನ ಬಗ್ಗೆ ಹೆಚ್ಚು ಆಸಕ್ತಿ ಬರಲಿ ಅಂತ ಕಳೆದ 15 ದಿನಗಳಿಂದ ಟಿವಿ ಬಂದ್ ಮಾಡಿಸಿದ್ದೇವೆ ಅಂತಾರೆ ಗ್ರಾಮಸ್ಥರು.