ಸರ್ಕಾರದ ಹೊಸ ಕೊರೊನಾ ಮಾರ್ಗಸೂಚಿಗೆ ಜಿಮ್ ಮಾಲೀಕರ ಸಂಘ ಆಕ್ರೋಶ - Karnataka covid Guidelines

ಬೆಂಗಳೂರು: ರಾಜ್ಯದಲ್ಲಿ ಕೊರೊನಾ ಎರಡನೇ ಅಲೆ ಅಬ್ಬರ ಹಿನ್ನೆಲೆ ಸರ್ಕಾರವು ಕೆಲ ಕಠಿಣ ಮಾರ್ಗಸೂಚಿ ಬಿಡುಗಡೆ ಮಾಡಿದೆ. ಮಾರ್ಗಸೂಚಿಯಲ್ಲಿನ ಜಿಮ್​ ಬಂದ್​ ಮಾಡುವ ವಿಚಾರಕ್ಕೆ ಜಿಮ್ ಮಾಲೀಕರ ಸಂಘದ ಪದಾಧಿಕಾರಿ ಶರಣ್ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಪಬ್, ಬಾರ್, ರೆಸ್ಟೋರೆಂಟ್​​ಗಳಿಗೆ ಶೇ. 50ರಷ್ಟು ಅನುಮತಿ ನೀಡಲಾಗಿದೆ. ಆದರೆ ಜಿಮ್​​, ಸ್ವಿಮ್ಮಿಂಗ್ ಫೂಲ್​ಗಳಿಗೆ ಮಾತ್ರ ಸಂಪೂರ್ಣ ಸ್ಥಗಿತಗೊಳಿಸುವಂತೆ ಹೇಳಿರುವುದು ತಪ್ಪು. ಜಿಮ್​ಗಳಿಂದ ಸರ್ಕಾರಕ್ಕೆ ಯಾವುದೇ ಲಾಭ ಆಗಲ್ಲ, ಹೀಗಾಗಿ ಬಂದ್​ ಮಾಡಲು ಆದೇಶಿಸಲಾಗಿದೆ. ವ್ಯಾಯಾಮ ಮಾಡಿ ಎಂದು ನೀವೇ ಹೇಳುತ್ತೀರಾ, ಈಗ ನೀವೇ ಹೀಗೆ ಮಾಡಿದರೆ ಹೇಗೆ? ಜಿಮ್ ತೆರೆಯದಿದ್ದರೆ ಮಾಲೀಕರು ಬೀದಿಗೆ ಬರಬೇಕಾಗುತ್ತದೆ. ದಯವಿಟ್ಟು ನಮಗೂ ಶೇಕಡ 50ರಷ್ಟು ಅವಕಾಶ ನೀಡಿ ಎಂದು ಶರಣ್ ಮನವಿ ಮಾಡಿದ್ದಾರೆ.