ಕಲ್ಪತರು ನಾಡಲ್ಲಿ ಮತ್ತೆ ಕೊರೊನಾ ಪತ್ತೆ: ತುಮಕೂರಲ್ಲಿ ಡ್ರೋನ್​​​ ಕಣ್ಗಾವಲು - ಕೊರೊನಾ ವೈರಸ್​

ತುಮಕೂರಿನಲ್ಲಿ ವ್ಯಕ್ತಿಯೊಬ್ಬರಿಗೆ ಕೋವಿಡ್-19 ಸೋಂಕು ತಗುಲಿರುವುದು ದೃಢವಾಗುತ್ತಿದ್ದಂತೆ ನಗರದಲ್ಲಿ ಕಟ್ಟೆಚ್ಚರ ವಹಿಸಲಾಗಿದೆ. ಅದರಲ್ಲೂ ಸೋಂಕಿತ ವ್ಯಕ್ತಿ ವಾಸವಿದ್ದ ಪಿ. ಹೆಚ್. ಕಾಲೊನಿಯನ್ನು “ಕಂಟೇನ್ಮೆಂಟ್ ವಲಯ” ವೆಂದು ಪರಿಗಣಿಸಿ ಸೀಲ್ ಡೌನ್​ ಮಾಡಲಾಗಿದೆ. ಯಾರೊಬ್ಬರೂ ಮನೆಯಿಂದ ಹೊರಬರದಂತೆ ಕಟ್ಟಾಜ್ಞೆ ಹೊರಡಿಸಲಾಗಿದೆ. ಅಲ್ಲದೆ ಡ್ರೋನ್​ ಕ್ಯಾಮರಾ ಮೂಲಕವೂ ಹೊರಗೆ ತಿರುಗುವ ಜನರ ಮೇಲೆ ತೀವ್ರ ನಿಗಾ ಇರಿಸಲಾಗಿದೆ. ಕಾಲೋನಿಯ ಒಳ ಹೋಗಲು ಮತ್ತು ಹೊರಬರಲು ಒಂದೇ ಪ್ರವೇಶ ಮಾರ್ಗದ ವ್ಯವಸ್ಥೆ ಮಾಡಲಾಗಿದೆ.