ಬಿಜೆಪಿ ಸಭೆಯಲ್ಲಿ ಏಕಾಂಗಿಯಾಗಿ ಕುಳಿತ ಕತ್ತಿ, ನೋಡಿಯೂ ಮುಂದೆ ಕರೆಯದ ಸಿಎಂ, ಕಟೀಲ್​! - ಬಿಜೆಪಿ ಸಭೆಯಲ್ಲಿ ಶಾಸಕ ಉಮೇಶ್​​ ಕತ್ತಿ ಏಕಾಂಗಿ

ಹುಬ್ಬಳ್ಳಿ: ನಗರದ ಖಾಸಗಿ ಹೋಟೆಲ್​​ನಲ್ಲಿ ನಡೆದ ಬಿಜೆಪಿ ಸಭೆಯಲ್ಲಿ ಶಾಸಕ ಉಮೇಶ್​ ಕತ್ತಿ ಏಕಾಂಗಿಯಾಗಿದ್ದರು. ಉಪ ಚುನಾವಣೆ ಹಾಗೂ ವಿಧಾನ ‌ಪರಿಷತ್ ಅಭ್ಯರ್ಥಿಗಳ ಆಯ್ಕೆಗಾಗಿ ಬಿಜೆಪಿ ಕರೆದ ಸಭೆಯಲ್ಲಿ ಉಮೇಶ್​​ ಕತ್ತಿ ಏಕಾಂಗಿಯಾಗಿ ಸಾಮಾನ್ಯ ಕಾರ್ಯಕರ್ತರಂತೆ ಕುಳಿತಿದ್ದು ಕಂಡು ಬಂತು. ವೇದಿಕೆ ಮೇಲಿದ್ದ ರಾಜ್ಯಾಧ್ಯಕ್ಷ ನಳಿನ್ ಕುಮಾರ್​ ಕಟೀಲ್ ಸಭೆಯಲ್ಲಿ ಆಗಮಿಸಿದ್ದ ಸಂಸದರು ಹಾಗೂ ಶಾಸಕರನ್ನು ಕರೆದು ವೇದಿಕೆ ಮುಂಭಾಗದಲ್ಲಿ ಕುಳಿತುಕೊಳ್ಳಲು ಸೂಚನೆ ನೀಡಿದರು. ಆದ್ರೆ ಸಿಎಂ ಯಡಿಯೂರಪ್ಪ ಹಾಗೂ​​ ಕಟೀಲ್, ಕತ್ತಿಯವರನ್ನು ನೋಡಿಯೂ ಮುಂದೆ ಕರೆಯದಿರುವುದು ಸಾಕಷ್ಟು ಕುತೂಹಲ ‌ಮೂಡಿಸಿದೆ.