ಸೈಕಲ್​ ಏರಿ ತಮ್ಮ ತಮ್ಮ ರಾಜ್ಯಗಳಿಗೆ ಹೊರಟ ರಾಜ್ಯದ ವಲಸೆ ಕಾರ್ಮಿಕರು: ವಿಡಿಯೋ - ಗದಗ ಸುದ್ದಿ

ರಾಜ್ಯದಲ್ಲಿ ಗುತ್ತಿಗೆ ಆಧಾರದ ಮೇಲೆ ಕೆಲಸ ಮಾಡಲು ಬಂದಿದ್ದ ವಿವಿಧ ರಾಜ್ಯಗಳ ಸುಮಾರು 11 ಮಂದಿ ವಲಸೆ ಕಾರ್ಮಿಕರು ಸೈಕಲ್​ನಲ್ಲಿ ತಮ್ಮ ತಮ್ಮ ಊರುಗಳಿಗೆ ತೆರಳಿದ್ದಾರೆ. ಹೈದರಾಬಾದ್​, ರಾಂಚಿ, ನಾಗ್ಪುರ ಸೇರಿದಂತೆ ವಿವಿಧ ರಾಜ್ಯಗಳ ಯುವಕರು ಸೈಕಲ್​ನಲ್ಲೇ ಪ್ರಯಾಣ ಬೆಳೆಸಿದ್ದಾರೆ. ಸರ್ಕಾರಕ್ಕೆ ನಮ್ಮನ್ನು ಕಳುಹಿಸಿ ಕೊಡುವಂತೆ ಮನವಿ ಮಾಡಿದ್ದೆವು. ಆದ್ರೆ ಯಾವುದೇ ಪ್ರಯೋಜನವಾಗಲಿಲ್ಲ. ಹೀಗಾಗಿ ಬೈಸಿಕಲ್​ನಲ್ಲೇ ಊರಿಗೆ ಮರಳಿದ್ದೇವೆ. ನಮಗೆ ನಮ್ಮ ಊರು ತಲುಪಲು ಇನ್ನೂ 12ರಿಂದ 15 ದಿನಗಳು ಬೇಕಾಗುತ್ತದೆ. ಆಹಾರ ಹಾಗೂ ನೀರನ್ನು ಹೋಗುವ ದಾರಿಯಲ್ಲೇ ವ್ಯವಸ್ಥೆ ಮಾಡಿಕೊಳ್ಳುತ್ತೇವೆ ಎಂದು ಯುವಕರು ತಿಳಿಸಿದ್ದಾರೆ.