ಅನ್ನಕ್ಕಾಗಿ ಕಸದ ತೊಟ್ಟಿಯಲ್ಲಿ ಹುಡುಕಾಡಿದ ಮಾನಸಿಕ ಅಸ್ವಸ್ಥ... ವಿಡಿಯೋ ವೈರಲ್
ಕೊರೊನಾ ಲಾಕ್ಡೌನ್ ಎಫೆಕ್ಟ್ ಹಿನ್ನೆಲೆಯಲ್ಲಿ ವಿಜಯಪುರದಲ್ಲಿ ತುತ್ತು ಅನ್ನಕ್ಕಾಗಿ ಮಾನಸಿಕ ಅಸ್ವಸ್ಥ ಹುಡುಕಾಟ ನಡೆಸಿದ ಮನಕಲುಕುವ ದೃಶ್ಯ ಕಂಡು ಬಂದಿದೆ. ವಿಜಯಪುರ ನಗರದ ಮನಗೂಳಿ ಅಗಸಿ ರಸ್ತೆಯಲ್ಲಿನ ಕಸದ ತೊಟ್ಟಿಯ ಬಳಿ ಈ ಘಟನೆ ನಡೆದಿದೆ. ಲಾಕ್ಡೌನ್ ಹಿನ್ನೆಲೆ ಎಲ್ಲೂ ಊಟ ಸಿಗದೆ ಅಸ್ವಸ್ಥ ಪರದಾಡಿ ಕೊನೆಗೆ ಕಸದ ತೊಟ್ಟಿಯಲ್ಲಿ ಆಹಾರ ಹುಡುಕುತ್ತಿದ್ದಾನೆ. ಈ ದೃಶ್ಯವನ್ನು ರೆಕಾರ್ಡ್ ಮಾಡಿಕೊಂಡ ಸ್ಥಳೀಯರು ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟಿದ್ದು, ಇದೀಗ ವಿಡಿಯೋ ವೈರಲ್ ಆಗಿದೆ.