ಬೆಂಗಳೂರಲ್ಲಿ ನಿರ್ಗತಿಕರಿಗೆ ನೆರಳಾಗುತ್ತಿದೆ ಸ್ಕೌಟ್ಸ್ & ಗೈಡ್ಸ್ ತಂಡ
ಬೆಂಗಳೂರು: ಕೊರೊನಾ ತಡೆಗೆ ಲಾಕ್ಡೌನ್ ಪಾಲನೆ ಜೊತೆಗೆ ಮಾಸ್ಕ್, ಸ್ಯಾನಿಟೈಜರ್ ಕೂಡಾ ಅತ್ಯಗತ್ಯ. ಆದ್ರೆ ಕಡು ಬಡವರಿಗೆ, ನಿರ್ಗತಿಕರಿಗೆ ಒಂದೊತ್ತಿನ ಊಟಕ್ಕೂ ಕಷ್ಟಪಡುವಂತಹ ಈ ಸ್ಥಿತಿಯಲ್ಲಿ ಇತರೆ ಮುಂಜಾಗ್ರತಾ ಕ್ರಮಕ್ಕೆ ಹಣ ಖರ್ಚು ಮಾಡುವುದು ದೂರದ ವಿಷಯ. ಹಾಗಾಗಿ, ನಗರದಲ್ಲಿ ಹಿಂದೂಸ್ಥಾನ್ ಸ್ಕೌಟ್ಸ್ & ಗೈಡ್ಸ್ನ ಸುಮಾರು ನೂರಕ್ಕೂ ಹೆಚ್ಚು ತಂಡ ಕಡುಬಡತನದಲ್ಲಿರುವವರನ್ನ ಆಯ್ಕೆ‌ಮಾಡಿ ತಾವೇ ಮನೆಯಲ್ಲಿ ತಯಾರಿಸಿದ ಮಾಸ್ಕ್ಗಳನ್ನು ಸ್ಥಳಕ್ಕೆ ತೆರಳಿ ನೀಡುತ್ತಿದ್ದಾರೆ. ಮಾಸ್ಕ್ ಮಾತ್ರವಲ್ಲದೇ ನಿರ್ಗತಿಕರಿಗೆ, ಪ್ರಾಣಿಗಳಿಗೆ ಆಹಾರದ ವ್ಯವಸ್ಥೆಯನ್ನೂ ಸಹ ಮಾಡಿದ್ದಾರೆ. ಈ ತಂಡ ಬಟ್ಟೆಗಳ ಮಾಸ್ಕ್ ತಯಾರಿಸುತ್ತಿದ್ದು, ದಿನಕ್ಕೆ 500ಕ್ಕೂ ಹೆಚ್ಚು ಮಾಸ್ಕ್ಗಳು ಸಿದ್ಧವಾಗ್ತಿವೆ. ಈ ಕುರಿತು ಈಟಿವಿ ಭಾರತನೊಂದಿಗೆ ಸ್ಕೌಟ್ಸ್ ಆ್ಯಂಡ್ ಗೈಡ್ಸ್ ತಂಡದ ಸದಸ್ಯರು ಮಾಹಿತಿ ಹಂಚಿಕೊಂಡಿದಗ್ದಾರೆ.