ಕೊಪ್ಪಳ ಜಿಲ್ಲೆಯಲ್ಲಿ 11 ಹಾಟ್​ಸ್ಪಾಟ್​ಗಳು: ಜುಲೈ 31ರವರೆಗೆ ಸ್ತಬ್ಧ!

ಕೊಪ್ಪಳ ಜಿಲ್ಲೆಯಲ್ಲಿ ಕೊರೊನಾ ಸೋಂಕು ಹೆಚ್ಚಾಗುತ್ತಿರುವ ಹಿನ್ನೆಲೆ ಜಿಲ್ಲೆಯಲ್ಲಿ ಗುರುತಿಸಲಾಗಿರುವ 11 ಹಾಟ್​ಸ್ಪಾಟ್ ಗಳು ಇಂದು ರಾತ್ರಿ 8 ಗಂಟೆಯಿಂದ ಜುಲೈ 31 ರವರೆಗೆ ಸ್ತಬ್ಧಗೊಳ್ಳಲಿವೆ. ಗಂಗಾವತಿ ನಗರ, ಶ್ರೀರಾಮನಗರ, ಭಾಗ್ಯನಗರ ಪಟ್ಟಣ ಸೇರಿ ಒಟ್ಟು 11 ಪ್ರದೇಶಗಳು 10 ದಿನಗಳ ಕಾಲ ಲಾಕ್​ಡೌನ್ ಆಗಲಿವೆ. ಲಾಕ್​ಡೌನ್ ನಿಯಮಗಳನ್ನು ಕಟ್ಟುನಿಟ್ಟಾಗಿ ಪಾಲಿಸುವಂತೆ ಜಿಲ್ಲಾಡಳಿತ ಸೂಚನೆ ನೀಡಿದೆ. ಆರೋಗ್ಯ, ಅಗತ್ಯ ವಸ್ತುಗಳ ಅಂಗಡಿ, ಕೃಷಿ ಸಂಬಂಧಿತ ಚಟುವಟಿಕೆ, ಬ್ಯಾಂಕಿಂಗ್ ಸೇವೆಗೆ ನಿರ್ಬಂಧವಿಲ್ಲ. ಆದರೆ, ಸಾಮಾಜಿಕ ಅಂತರ‌ ಕಾಯ್ದುಕೊಳ್ಳುವುದು ಕಡ್ಡಾಯ. ಈ ಕುರಿತು ನಮ್ಮ ಪ್ರತಿನಿಧಿ ನೀಡಿರುವ ಪ್ರತ್ಯಕ್ಷ ವರದಿ ಇಲ್ಲಿದೆ.