ಲಾಕ್​ಡೌನ್​ ಸಡಿಲಿಕೆ ಹಾವೇರಿಯಲ್ಲಿ ರಸ್ತೆಗಿಳಿದ ವಾಹನಗಳು

ಲಾಕ್​ಡೌನ್​ ಸಡಿಲಿಕೆಯಾದ ಹಿನ್ನೆಲೆ ಹಾವೇರಿಯಲ್ಲಿ ವಾಹನಗಳು ರಸ್ತೆಗಿಳಿದಿವೆ. ಇದರಿಂದ ಅಲರ್ಟ್​ ಆಗಿರುವ ಪೊಲೀಸರು ಸಾಮಾಜಿಕ ಅಂತರ ಕಾಯ್ದುಕೊಳ್ಳದವರ ವಿರುದ್ಧ ಕ್ರಮ ಕೈಗೊಳ್ಳುತ್ತಿದ್ದಾರೆ. ಬೈಕ್​ನಲ್ಲಿ ಒಬ್ಬರ ಸಂಚಾರಕ್ಕೆ ಮಾತ್ರ, ಕಾರಿನಲ್ಲಿ ಮೂವರು ಸಂಚರಿಸಬಹುದಾಗಿದೆ. ನಿಯಮ ತಪ್ಪಿದ್ದಲ್ಲಿ 500 ರೂ. ದಂಡದ ಜೊತೆ ಕಾಲ್ನಡಿಗೆಯ ಶಿಕ್ಷೆ ವಿಧಿಸಿದ್ದಾರೆ. ಇನ್ನು ಅಗತ್ಯ ವಸ್ತುಗಳ ಅಂಗಡಿಗಳ ಬಾಗಿಲು ತೆರೆದಿದ್ದು, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವಂತೆ ಜನರಿಗೆ ಪೊಲೀಸರು ತಿಳಿಸಿದ್ದಾರೆ.