ತುಂಬಿದ ಆಲಮಟ್ಟಿ... ಸಂತ್ರಸ್ತರ ಬದುಕು ಕಟ್ಟಿಕೊಟ್ಟರೆ ಬಾಗಿನ ಅರ್ಪಣೆಗೆ ಸಮ ಎಂದ ಕೈ ನಾಯಕ

ವಿಜಯಪುರ: ಆಲಮಟ್ಟಿ ಜಲಾಶಯವು ಗರಿಷ್ಠ ನೀರಿನ ಮಟ್ಟ ತಲುಪಿದೆ. ಆದರೆ ಮೈದುಂಬಿ ಹರಿಯುತ್ತಿರುವ ಜಲಾಶಯಕ್ಕೆ ಇನ್ನೂ ಬಾಗಿನ ಅರ್ಪಣೆಯಾಗಿಲ್ಲ ಎಂಬ ಮಾತುಗಳು ಕೇಳಿಬಂದಿವೆ. ಈ ಕುರಿತು ಸ್ಥಳೀಯ ಕಾಂಗ್ರೆಸ್ ನಾಯಕರ ಮಾತುಗಳು ಭಿನ್ನವಾಗಿದೆ. ಪ್ರವಾಹದಿಂದಾಗಿ ಜಿಲ್ಲೆಯಲ್ಲಿ ಸಾಕಷ್ಟು ಜನ ಮನೆ-ಮಠ ಕಳೆದುಕೊಂಡಿದ್ದಾರೆ, ಬೆಳೆ ನಷ್ಟವಾಗಿದೆ, ಇದರ ಕಡೆ ಸರ್ಕಾರ ಗಮನ ಹರಿಸಲಿ. ಸಂತ್ರಸ್ತರ ಬದುಕು ಕಟ್ಟಿಕೊಟ್ಟರೆ ಅದು ಪ್ರತಿ ತಾಯಂದಿರಿಗೆ ಬಾಗಿನ ಅರ್ಪಣೆ ಮಾಡಿದ ಹಾಗೆ, ಮುತ್ತೈದೆಯರ ಬದುಕನ್ನ ಉಳಿಸಿಕೊಟ್ಟ ಹಾಗೆ. ಅವರ ಕಣ್ಣೀರು ಒರೆಸಿದರೆ, ಆ ತಾಯಂದಿರು ಹರಸಿದರೆ ಅದು ಬಾಗಿನ ಅರ್ಪಣೆಗೆ ಸಮ. ಸದ್ಯದ ಪರಿಸ್ಥಿತಿಯಲ್ಲಿ ಮುಖ್ಯಮಂತ್ರಿಗಳು ಬಂದು ಬಾಗಿನ ಅರ್ಪಿಸಿಲ್ಲ ಎನ್ನುವುದಕ್ಕಿಂತ ಇಲ್ಲಿನ ನೆರೆ ಸಂತ್ರಸ್ತರ ನೆರವಿಗೆ ಸರ್ಕಾರ ಸ್ಪಂದಿಸುವುದು ಮುಖ್ಯವಾಗಿದೆ ಎಂದು ಕೆಪಿಸಿಸಿ ಕಾರ್ಯದರ್ಶಿ ಸಂಗಮೇಶ ಬಬಲೇಶ್ವರ ಆಗ್ರಹಿಸಿದ್ದಾರೆ.