ಖಾಸಗಿ ಕಟ್ಟಡದಲ್ಲಿ ಸರ್ಕಾರಿ ಹಾಸ್ಟೆಲ್: ಸಮಸ್ಯೆ ಹಿಂದಿದೆಯೇ ದೊಡ್ಡ ಲಾಬಿ?

ಕೊಪ್ಪಳ : ಜಿಲ್ಲೆಯ ಬಹುತೇಕ ಕಡೆ ಸುರಕ್ಷತೆ ಇಲ್ಲದ ಕಟ್ಟಡಗಳಲ್ಲಿ ಸರ್ಕಾರಿ ವಿದ್ಯಾರ್ಥಿ ನಿಲಯಗಳನ್ನು ನಡೆಸಲಾಗುತ್ತಿದೆ. ಇದರಿಂದ ಮಕ್ಕಳು ಭಯದಲ್ಲಿಯೇ ವಾಸ ಮಾಡಬೇಕಾದ ಪರಿಸ್ಥಿತಿಯಿದೆ. ಸುರಕ್ಷಿತವಲ್ಲದ ಕಟ್ಟಡಗಳಲ್ಲಿರುವ ಹಾಸ್ಟೆಲ್‍ಗಳಲ್ಲಿ ವಿದ್ಯಾರ್ಥಿಗಳು ಈ ಹಿಂದೆ ಅನೇಕ ತೊಂದರೆಗಳನ್ನು ಅನುಭವಿಸಿದ ಉದಾಹರಣೆ ಕಣ್ಣ ಮುಂದಿರುವಾಗಲೇ, ಇತ್ತೀಚಿಗೆ ಬಿಸಿಎಂ ಹಾಸ್ಟೆಲ್‍ ಒಂದರಲ್ಲಿ ನಡೆದ ನಡೆದ ದೊಡ್ಡ ದುರಂತವು ಮಕ್ಕಳ ಪಾಲಕರನ್ನು ಇನ್ನಷ್ಟು ಆತಂಕ ಪಡುವಂತೆ ಮಾಡಿದೆ. ಆದರೂ ಮಕ್ಕಳನ್ನು ಹಾಸ್ಟೆಲ್​ಗೆ ಸೇರಿಸುವುದು ಪೋಷಕರಿಗೆ ಅನಿವಾರ್ಯ ಎಂಬಂತಾಗಿದೆ. ಆದರೆ ಇವೆಲ್ಲದರ ಮಧ್ಯೆ ಬಾಡಿಗೆ ಕಟ್ಟಡಗಳಲ್ಲಿ ಹಾಸ್ಟೆಲ್ ನಡೆಸುವ ಮೂಲಕ ಅಧಿಕಾರಿಗಳು ಖಾಸಗಿ ಕಟ್ಟಡ ಮಾಲಿಕರೊಂದಿಗೆ ಅವ್ಯವಹಾರದಲ್ಲಿ ತೊಡಗಿದ್ದಾರೆ ಎಂಬ ಆರೋಪವು ಕೇಳಿ ಬಂದಿದೆ.