ಕೈಲ್​ ಪೊದು.. ಕೊಡವರ ವಿಶೇಷ ಹಬ್ಬ! - Karnataka kashmira kodagu

ಕರ್ನಾಟಕದ ಕಾಶ್ಮೀರ ಎಂದು ಕರೆಯಲ್ಪಡುವ ಕೊಡಗು ತನ್ನದೇ ಆದ ಸಾಂಸ್ಕೃತಿಕ ಶ್ರೀಮಂತಿಕೆಯನ್ನು ಹೊಂದಿದೆ. ಇಲ್ಲಿನ ಹಬ್ಬಗಳು,ಸಂಪ್ರದಾಯಗಳು ತುಂಬಾ ವಿಭಿನ್ನ. ಕೊಡಗಿನ ಜನ ಮಾತ್ರ ಆಚರಿಸುವ ಅಂತಹ ವಿಭಿನ್ನ ಹಬ್ಬಗಳಲ್ಲಿ ಕೈಲ್​ ಮುಹೂರ್ತವೂ ಒಂದು. ಕೊಡಗು ಭಾಷೆಯಲ್ಲಿ ಇದನ್ನು ಕೈಲ್​ ಪೊದು ಎಂದು ಕರೆಯುತ್ತಾರೆ. ನಾಳೆ ಅಂದರೆ ಅಗಸ್ಟ್​ 3ರಂದು ಈ ಕೈಲ್​ ಮುಹೂರ್ತ ಹಬ್ಬವನ್ನು ಕೊಡಗಿನಾದ್ಯಂತ ಜನ ಆಚರಿಸುತ್ತಾರೆ. ಈ ಹಿನ್ನೆಲೆ ರಾಜ್ಯ ಸರ್ಕಾರವೂ ಕೈಲ್​ ಮುಹೂರ್ತ ಹಬ್ಬಕ್ಕೆ ಕೊಡಗು ಜಿಲ್ಲೆಗೆ ಸೀಮಿತವಾಗಿ ರಜೆ ಘೋಷಿಸಿದೆ.