ರಾತ್ರೋರಾತ್ರಿ ಪಾಲಿಕೆ ವಾಹನಗಳ ಬ್ಯಾಟರಿ ಎಗರಿಸಿದ ಖದೀಮರು..! - Motor Vehicles batery theft news hubli

ಹುಬ್ಬಳ್ಳಿ: ಹುಬ್ಬಳ್ಳಿ - ಧಾರವಾಡ ಮಹಾನಗರ ಪಾಲಿಕೆಯ ವ್ಯಾಪ್ತಿಯಲ್ಲಿ ಬರುವ ಕಸ ಸಂಗ್ರಹಣೆಯ ಟಿಪ್ಪರ್​​ ವಾಹನಗಳ ಬ್ಯಾಟರಿಯನ್ನು ಕಳ್ಳತನ ಮಾಡಿರುವ ಘಟನೆ ನಗರದ ನ್ಯೂ ಇಂಗ್ಲಿಷ್ ಸ್ಕೂಲ್ ಹತ್ತಿರ ನಡೆದಿದೆ. ರಾತ್ರಿ ಪಾಲಿಕೆ ಸಿಬ್ಬಂದಿ ತಮ್ಮ ಕೆಲಸ ಮುಗಿದ ನಂತರ ವಲಯ ಕಚೇರಿ 11 ರಲ್ಲಿ ನಿಲ್ಲಿಸಿ ಹೋಗಿದ್ದು, ಖದೀಮರು ರಾತ್ರೋರಾತ್ರಿ ಇಲ್ಲಿನ ಸುಮಾರು 9 ವಾಹನಗಳ ಬ್ಯಾಟರಿಯನ್ನು ಕಳ್ಳತನ ಮಾಡಿದ್ದಾರೆ. ಈ ಕುರಿತು ಕಸಬಾಪೇಟ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.