ಮಿಸೆಸ್ ಕರ್ನಾಟಕ ಫ್ಯಾಷನ್ ಶೋದಲ್ಲಿ ಮಿಂಚಿದ ಮಹಿಳೆಯರು.. ವಿಡಿಯೋ - misses Housewives Fashion Show

ಬೆಂಗಳೂರು: ಫ್ಯಾಷನ್ ಶೋ ಎಂದಾಕ್ಷಣ ನಮ್ಮ ನೆನಪಿಗೆ ಬರೋದು ಬಳ್ಳಿಯಂತೆ ಬಳಕುತ್ತಾ ಕ್ಯಾಟ್ ವಾಕ್ ಮಾಡುವ ರೂಪದರ್ಶಿಯರು. ಆದರೆ, ನಾವು ಯಾರಿಗೂ ಕಮ್ಮಿ ಇಲ್ಲವೆಂದು 30ರಿಂದ 45 ವರ್ಷ ವಯಸ್ಸಿನ ಮಹಿಳೆಯರು, ಅಂಗವಿಕಲರು ಫ್ಯಾಷನ್​ ಶೋನಲ್ಲಿ ಭಾಗವಹಿಸಿ ಎಲ್ಲರ ಗಮನ ಸೆಳೆದಿದ್ದಾರೆ. ಬೆಂಗಳೂರು ಹೊರವಲಯದ ಖಾಸಗಿ ಹೋಟೆಲ್‌ನಲ್ಲಿ ನಡೆದ ಮಿಸೆಸ್ ಕರ್ನಾಟಕ ಫ್ಯಾಷನ್ ಶೋ ಸ್ಪರ್ಧೆಯಲ್ಲಿ ಮಧ್ಯ ವಯಸ್ಕ ಮಹಿಳೆಯರೂ ಮಿಂಚಿದರು. ಅಭಯಹಸ್ತ ಫೌಂಡೇಷನ್ ವತಿಯಿಂದ ಹಮ್ಮಿಕೊಂಡಿದ್ದ ಈ ಕಾರ್ಯಕ್ರಮದಲ್ಲಿ ಬೆಂಗಳೂರು ಸೇರಿ ವಿವಿಧ ಜೆಲ್ಲೆಗಳ 50ಕ್ಕೂ ಹೆಚ್ಚು ಮಹಿಳೆಯರು ಭಾಗವಹಿಸಿ ಮಿಸೆಸ್ ಕರ್ನಾಟಕ ಪಟ್ಟಕ್ಕಾಗಿ ತಮ್ಮ ಅಂದ-ಚಂದ ಪ್ರದರ್ಶಿಸಿದರು. ಅಂತಿಮವಾಗಿ ಬೆಂಗಳೂರಿನ ಶಭ್ನಮ್ ಮಿಸೆಸ್ ಕರ್ನಾಟಕ ಪ್ರಶಸ್ತಿ ಮುಡಿಗೇರಿಸಿಕೊಂಡರು.