ಗಾಳಿ ಸಹಿತ ಭಾರೀ ಮಳೆ...ವರುಣನ ಆರ್ಭಟಕ್ಕೆ ನೆಲಕಚ್ಚಿದ ಮನೆಗಳು - ಬೀದಿ ಪಾಲಾದ ಬಡ ಕುಟುಂಬಗಳು

ಚಿತ್ರದುರ್ಗ: ನಿನ್ನೆ ಸುರಿದ ಗಾಳಿ ಸಹಿತ ಭಾರಿ ಮಳೆಗೆ ಮೈ ನಡುಕು ಹುಟ್ಟಿಸುವಂತಹ ದೃಶ್ಯಗಳು ಮೊಬೈಲ್​​​ನಲ್ಲಿ ಸೆರೆಯಾಗಿವೆ. ಮಳೆ ಹಾಗೂ ಗಾಳಿ ಅರ್ಭಟಕ್ಕೆ ಭರಮಸಾಗರ ಹೋಬಳಿಯ ಕೆಲ ಗ್ರಾಮಗಳು ನಲುಗಿ ಹೋಗಿದ್ದು, ರಹಮತುಲ್ಲಾ, ಗೌಸ್ ಪೀರ್ ಎಂಬವವರಿಗೆ ಸೇರಿದ ಗುಡಿಸಲಿನ ಮನೆಗಳು ನೆಲಕ್ಕೆ ಉರುಳಿವೆ. ಈ ಮೂಲಕ ಬಡ ಕುಟುಂಬಗಳು ಬೀದಿ ಪಾಲಾಗಿವೆ. ಮನೆ ಕಳೆದುಕೊಂಡವರು ಪರಿಹಾರಕ್ಕಾಗಿ ಸಂಬಂಧಪಟ್ಟ ಅಧಿಕಾರಿಗಳಿಗೆ ಮನವಿ ಮಾಡಿದ್ದಾರೆ. ಗಂಗಸಮುದ್ರದ ಬಳಿ ಬಿರುಗಾಳಿಗೆ 8 ವಿದ್ಯುತ್ ಕಂಬಗಳು ನೆಲಕಚ್ಚಿವೆ. ಯಾವುದೇ ಪ್ರಾಣ ಹಾನಿ ಸಂಭವಿಸಿಲ್ಲ.