ವಿದ್ಯುತ್​ ತಂತಿ ತಗುಲಿ ಜೋಳದ ಸೊಪ್ಪೆ ತುಂಬಿದ್ದ ಟ್ರ್ಯಾಕ್ಟರ್​ಗೆ ಬೆಂಕಿ! - ರಾಯಚೂರು ನಗರದ ಆಶಾಪುರ ರಸ್ತೆ

ರಾಯಚೂರು: ಸೊಪ್ಪೆ (ಜೋಳದ ದಂಟು) ತುಂಬಿಕೊಂಡು ಹೋಗುತ್ತಿದ್ದ ಟ್ರ್ಯಾಕ್ಟರ್​ಗೆ ವಿದ್ಯುತ್​ ತಂತಿ ತಗುಲಿ, ಬೆಂಕಿ ಹೊತ್ತಿಕೊಂಡ ಘಟನೆ ರಾಯಚೂರು ನಗರದ ಆಶಾಪುರ ರಸ್ತೆಯಲ್ಲಿ ನಡೆದಿದೆ. ರೈತರೊಬ್ಬರು ಮಂಚಾಲಪುರ ಗ್ರಾಮದಲ್ಲಿ ಸೊಪ್ಪೆ ಖರೀದಿಸಿ, ಅದನ್ನು ಉಮಗಲ್ ಖಾನಾಪುರ ಗ್ರಾಮಕ್ಕೆ ತೆಗೆದುಕೊಂಡು ಹೋಗುತ್ತಿದ್ದರು. ಈ ವೇಳೆ ಟ್ರ್ಯಾಕ್ಟರ್ ಟ್ರಾಲಿಯಲ್ಲಿದ್ದ ಸೊಪ್ಪೆಗೆ ವಿದ್ಯುತ್​ ತಂತಿ ತಗುಲಿ ಬೆಂಕಿ ಹೊತ್ತಿಕೊಂಡಿದ್ದು, ಅದೃಷ್ಟವಶಾತ್​​ ಯಾವುದೇ ಪ್ರಾಣಾಪಾಯ ಸಂಭವಿಸಿಲ್ಲ. ಕೂಡಲೇ ಸ್ಥಳಕ್ಕಾಗಮಿಸಿದ ಅಗ್ನಿಶಾಮಕ ಸಿಬ್ಬಂದಿ ಬೆಂಕಿ ನಂದಿಸಿದ್ದಾರೆ. ವೀರೇಶ್ ಎಂಬುವವರಿಗೆ ಸೇರಿದ ಟ್ರ್ಯಾಕ್ಟರ್ ಇದಾಗಿದ್ದು, ಸುಮಾರು 10 ಸಾವಿರ ರೂ. ನಷ್ಟವಾಗಿದೆ.