ಮಾರುಕಟ್ಟೆಯಲ್ಲಿ ಆಕಸ್ಮಿಕ ಬೆಂಕಿ: ಐವತ್ತು ಸಾವಿರ ರೂ. ಮೌಲ್ಯದ ಟೊಮ್ಯಾಟೋ ಬಾಕ್ಸ್​​​​ಗಳು ಭಸ್ಮ - ಟೊಮೊಟೊ ಕ್ರೇಟ್‌ಗಳಿಗೆ ಬೆಂಕಿ

ಕೋಲಾರ: ಆಕಸ್ಮಿಕವಾಗಿ ಟೊಮ್ಯಾಟೋ ಕ್ರೇಟ್‌ಗಳಿಗೆ ಬೆಂಕಿ ತಗುಲಿದ ಪರಿಣಾಮ ಕ್ರೇಟ್‌ಗಳು ಸಂಪೂರ್ಣ ಬೆಂಕಿಗಾಹುತಿಯಾಗಿರುವ ಘಟನೆ ಕೋಲಾರ ಹೊರವಲಯದ ಟೊಮ್ಯಾಟೋ ಮಾರುಕಟ್ಟೆ ಬಳಿ ಜರುಗಿದೆ. ಆಂಧ್ರ ಮೂಲದ ನರಸಿಂಹರಾವ್ ಎಂಬವರಿಗೆ ಸೇರಿದ ಟೊಮ್ಯಾಟೋ ಕ್ರೇಟ್‌ಗಳು ಸುಟ್ಟು ಭಸ್ಮವಾಗಿವೆ. ಇನ್ನು ಕಿಡಿಗೇಡಿಗಳು ಧೂಮಪಾನ ಮಾಡಿ ಬಾಕ್ಸ್​ಗಳ ಮೇಲೆ ಹಾಕಿದ್ದರಿಂದ ಅನಾಹುತ ನಡೆದಿದೆ ಎಂದು ಶಂಕಿಸಲಾಗಿದೆ. ಸುಮಾರು ಐವತ್ತು ಸಾವಿರ ರೂ. ಮೌಲ್ಯದ 150ಕ್ಕೂ ಹೆಚ್ಚು ಬಾಕ್ಸ್​ಗಳು ಬೆಂಕಿಗಾಹುತಿಯಾಗಿವೆ.