ಅಪಘಾತದಲ್ಲಿ ಮೃತಪಟ್ಟ ಮರಿ ಮುಂದೆ ತಾಯಿ ನಾಯಿಯ ಮೂಕರೋಧನೆ: ಮನಕಲಕುವ ವಿಡಿಯೋ
ಚಿತ್ರದುರ್ಗ: ರಸ್ತೆ ಅಪಘಾತದಲ್ಲಿ ಸಾವನ್ನಪ್ಪಿದ ನಾಯಿಮರಿ ಶವದ ಮುಂದೆ ತಾಯಿ ರೋಧಿಸಿದ ಮನಕಲಕುವ ಘಟನೆ ರಾಷ್ಟ್ರೀಯ ಹೆದ್ದಾರಿ ಪಕ್ಕದ ತುರುವನೂರು ರಸ್ತೆಯಲ್ಲಿ ನಡೆದಿದೆ. ಶ್ವಾನವೊಂದು ತನ್ನೆರೆಡು ಮರಿಗಳೊಂದಿಗೆ ರಸ್ತೆ ದಾಟಲು ಮುಂದಾದಾಗ, ತಾಯಿಯ ಜೊತೆಗಿದ್ದ ಇನ್ನೊಂದು ಮರಿ ಸ್ಪಲ್ಪ ಮುಂದೆ ಹೋಗಿದೆ. ಈ ವೇಳೆ ವೇಗವಾಗಿ ಬಂದ್ ಬೈಕ್ ನಾಯಿಮರಿಗೆ ಡಿಕ್ಕಿ ಹೊಡೆದ ಪರಿಣಾಮ ಅದು ಸ್ಥಳದಲ್ಲೇ ಪ್ರಾಣ ಬಿಟ್ಟಿದೆ. ತನ್ನ ಮರಿ ಸಾವನ್ನಪ್ಪಿದ್ದನ್ನು ನೋಡಿದ ತಾಯಿ ಮತ್ತು ಜೊತೆಗಿದ್ದ ಇನ್ನೊಂದು ಮರಿ ಅದನ್ನು ಎಬ್ಬಿಸಲು ಚಡಪಡಿಸುತ್ತಿದ್ದ ದೃಶ್ಯ ನೋಡುಗರ ಮನ ಕಲಕುವಂತಿತ್ತು.