ಬೇಟೆಗೆ ಹೊಂಚು ಹಾಕಿದ್ದ ಚಿರತೆಗೆ ಚೆಳ್ಳೆಹಣ್ಣು ತಿನ್ನಿಸಿದ ಜಿಂಕೆ - ವಿಡಿಯೋ ವೈರಲ್ - Deer ran by seeing Cheetha in Mysore video

ಮೈಸೂರು: ಬೇಟೆಗೆ ಹೊಂಚು ಹಾಕಿ ಕುಳಿತಿದ್ದ ಚಿರತೆ ಕೈಗೆ ಸಿಗದೇ ಚಾಲಾಕಿ ಜಿಂಕೆ ಪರಾರಿಯಾದ ವಿಡಿಯೋ ವೈರಲ್​ ಆಗಿದೆ. ನಾಗರಹೊಳೆ ರಾಷ್ಟ್ರೀಯ ಉದ್ಯಾನವನದ ಕಬಿನಿ ಹಿನ್ನೀರಿನ ಪ್ರದೇಶದಲ್ಲಿ ಬೇಟೆಯಾಡಲು ಕಾಯುತ್ತ ಕುಳಿತಿದ್ದ ಚಿರತೆಯನ್ನು ನೋಡಿದ ಜಿಂಕೆ ಕ್ಷಣಾರ್ಧದಲ್ಲೇ ಮಾಯವಾಯಿತು. ಕಾಡಿನ ದಾರಿ ಮಧ್ಯೆ ಜಿಂಕೆ ಬೇಟೆಯಾಡಲು ಕುಳಿತಿದ್ದ ಚಿರತೆ ನಿರಾಸೆಯಿಂದ ಅತ್ತ ಇತ್ತ ನೋಡಿ, ಪೇಚು ಮೋರೆ ಹಾಕಿಕೊಂಡು ತೆರಳಿತು. ಈ ಅಪರೂಪದ ದೃಶ್ಯ ಸಫಾರಿಗರ ಕ್ಯಾಮರಾ ಕಣ್ಣಲ್ಲಿ ಸೆರೆಯಾಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋ ವೈರಲ್ ಆಗಿದೆ.