4 ಸಾವಿರಕ್ಕೂ ಹೆಚ್ಚು ಸ್ಯಾಂಪಲ್​ಗಳ ವರದಿಗೆ ಕಾಯುತ್ತಿರುವ ದಾವಣೆಗೆರೆ ಜನತೆ! - corona test

ಜಿಲ್ಲೆಯಲ್ಲಿ 4000ಕ್ಕೂ ಅಧಿಕ ಜನರ ಕೊರೊನಾ ಪರೀಕ್ಷೆಯ ವರದಿ ಇನ್ನಷ್ಟೇ ಬರಬೇಕಿದೆ. ಇದು ಜನರಲ್ಲಿ ಆತಂಕ ಮೂಡಿಸಿದೆ. ಜಿಲ್ಲೆಯಲ್ಲಿ ಕೊರೊನಾ ಸೋಂಕಿನ ಹಾವಳಿ ಮುಂದುವರೆದಿದ್ದು, ಇನ್ನೂ 4375 ಗಂಟಲು ದ್ರವ ಸ್ಯಾಂಪಲ್​ಗಳ ಪರೀಕ್ಷಾ ವರದಿ ಬರಬೇಕಿದ್ದು, ಇದು ಜನರ ಆತಂಕಕ್ಕೆ‌ ಕಾರಣವಾಗಿದೆ. ಇದುವರೆಗೆ 309 ಸೋಂಕಿತರಿದ್ದರೆ, ಹೊಂಡ ಸರ್ಕಲ್​ನ 50 ವರ್ಷದ ಮಹಿಳೆ ಕೊರೊನಾಕ್ಕೆ ಬಲಿಯಾಗುವ ಮೂಲಕ ಸಾವಿನ ಸಂಖ್ಯೆ 8ಕ್ಕೇರಿದೆ. ತೀವ್ರ ಉಸಿರಾಟದಿಂದ ಬಳಲುತ್ತಿರುವ 512 ಪ್ರಕರಣ ಪತ್ತೆಯಾಗಿದ್ದು, ಈ ಪೈಕಿ 12 ಪಾಸಿಟಿವ್ ಬಂದಿದ್ದರೆ, 489 ಸ್ಯಾಂಪಲ್​ಗಳು ನೆಗೆಟಿವ್ ಬಂದಿದೆ. 11 ಸ್ಯಾಂಪಲ್​ಗಳ ವರದಿ ಬರಬೇಕಿದೆ.