ಗದಗದಲ್ಲಿ ಮತ್ತೆ ಮುಂದುವರೆದ ಕ್ರೌಡ್, ಗ್ರೇನ್ ಮಾರ್ಕೆಟ್ನಲ್ಲಿ ಜನಜಂಗುಳಿ - ಕೊರೊನಾ ವೈರಸ್
ಕೊರೊನಾ ವೈರಸ್ ತಡೆಗೆ ಲಾಕ್ಡೌನ್ ಇದ್ದರೂ ಕೂಡ ಗದಗದಲ್ಲಿ ಜನಜಂಗುಳಿ ಯಥಾ ಪ್ರಕಾರವಾಗಿ ಮುಂದುವರೆದಿದೆ. ನಗರದ ಗ್ರೇನ್ ಮಾರ್ಕೆಟ್ನಲ್ಲಿ ಅಗತ್ಯ ವಸ್ತುಗಳ ಖರೀದಿಗೆ ಜನರು ಮುಗಿಬಿದ್ದ ದೃಶ್ಯ ಕಂಡುಬಂತು. ಸಾಮಾಜಿಕ ಅಂತರವವನ್ನೂ ಪಾಲಿಸದೆ ಮಾಸ್ಕ್ ಧರಿಸದೆ ಹಣ ಎಣಿಸೋದ್ರಲ್ಲಿ ಕಿರಾಣಿ ಅಂಗಡಿಗಳ ಮಾಲೀಕರು ಬ್ಯುಸಿಯಾಗಿದ್ದರು. ಇತ್ತ ಮುಗಿಬಿದ್ದ ಜನರಿಗೆ ಹೇಳೋರಿಲ್ಲಾ, ಕೇಳೋರಿಲ್ಲ ಎನ್ನುವಂತಿತ್ತು. ಸರ್ಕಾರ ಎಷ್ಟೇ ಕ್ರಮ ಕೈಗೊಂಡ್ರೂ, ಪೊಲೀಸರೂ ಅದೆಷ್ಟೇ ಲಾಠಿ ರುಚಿ ತೋರಿಸಿದ್ರೂ ಪ್ರಯೋಜನವಾಗುತ್ತಿಲ್ಲ.