ಕದಂಬ ನೌಕಾನೆಲೆ ವಿಸ್ತರಣೆ ಕಾಮಗಾರಿ ಆರಂಭ: ಸ್ಥಳೀಯರಿಗೆ ನೀರಿನ ಬವಣೆಯ ಆತಂಕ

ಕಾರವಾರ: ರಾಜ್ಯದ ಏಕೈಕ ನೌಕಾನೆಲೆ ಎನ್ನುವ ಹೆಗ್ಗಳಿಕೆ ಗಳಿಸಿರುವ ಉತ್ತರಕನ್ನಡ ಜಿಲ್ಲೆಯ ಕದಂಬ ನೌಕಾನೆಲೆಯ ಎರಡನೇಯ ಹಂತದ ವಿಸ್ತರಣೆ ಭರದಿಂದ ಸಾಗಿದೆ. ಸದ್ಯ ಬೇಸಿಗೆ ಎದುರಾಗುತ್ತಿರುವುದರಿಂದ ಕಳೆದ ಬಾರಿಯಂತೆ ಈ ಬಾರಿಯೂ ನೌಕಾನೆಲೆಗೆ ನೀರಿನ ಬವಣೆ ಕಾಡಲಿದೆ. ಈ ನಿಟ್ಟಿನಲ್ಲಿ ಕಾಮಗಾರಿಗೆ ಅಡ್ಡಿಯಾಗದಂತೆ ಮುನ್ನೆಚ್ಚರಿಕೆ ವಹಿಸಲು ಜಿಲ್ಲೆಯ ನದಿಗಳಿಂದ ಪ್ರತ್ಯೇಕ ನೀರು ಸರಬರಾಜು ವ್ಯವಸ್ಥೆ ಕಲ್ಪಿಸುವಂತೆ ನೌಕಾನೆಲೆ ಬೇಡಿಕೆ ಇಟ್ಟಿದೆ. ಈ ಕಾರಣದಿಂದ ಸ್ಥಳೀಯರಿಗೆ ಕುಡಿಯುವ ನೀರಿನ ತೊಂದರೆ ಉಂಟಾಗುವ ಆತಂಕ ಎದುರಾಗಿದೆ.