ಪೇಜಾವರ ಮಠದ ವಿಶ್ವಪ್ರಸನ್ನ ತೀರ್ಥರನ್ನು ಮುದ್ದಾಡಿದ ಪುಟ್ಟ ಕರು: ವಿಡಿಯೋ ವೈರಲ್​ - Cattle love towards Udupi swamiji

ಉಡುಪಿ ಪೇಜಾವರ ಮಠದ ಶ್ರೀ ವಿಶ್ವಪ್ರಸನ್ನ ತೀರ್ಥರನ್ನು ಪುಟ್ಟ ಕರುವೊಂದು ಪ್ರೀತಿ‌ಯಿಂದ ಮುದ್ದಾಡುವ ದೃಶ್ಯ ವೈರಲ್​ ಆಗಿದೆ. ನೀಲಾವರ ಗೋಶಾಲೆಯಲ್ಲಿರುವ ಸಾವಿರಕ್ಕೂ ಹೆಚ್ಚು ಗೋವುಗಳ ಲಾಲನೆ ಪಾಲನೆಯಲ್ಲೇ ಸ್ವಾಮೀಜಿ ಸದಾಕಾಲ ತೊಡಗಿರುತ್ತಾರೆ. ನಿತ್ಯವೂ ನೀಲಾವರದ ಗೋಶಾಲೆಯಲ್ಲೇ ಇರುವ ಶ್ರೀಗಳು, ಅಲ್ಲಿಯೇ ಪೂಜೆ, ಪ್ರವಚನ ಕೈಗೊಳ್ಳುತ್ತಾರೆ. ಸಂಜೆ ಪ್ರವಚನದ ವೇಳೆಯಲ್ಲಿ ಕರುವೊಂದು ಬಂದು ಸ್ವಾಮೀಜಿ ಅವರನ್ನು ಮುದ್ದಾಡಿದೆ. ಈ ಅನಿರೀಕ್ಷಿತ ಸ್ಪರ್ಶದಿಂದ ಸ್ವಲ್ಪವೂ ವಿಚಲಿತರಾಗದ ಸ್ವಾಮೀಜಿ ತಮ್ಮ ಪ್ರವಚನ ಮುಂದುವರಿಸುತ್ತಾರೆ. ಅಕ್ರಮ ಗೋಸಾಗಣೆ ವೇಳೆ ರಕ್ಷಸಲ್ಪಟ್ಟ ಹಸುಗಳು, ಗೊಡ್ಡುದನಗಳು, ಗಾಯಾಳು ದನಗಳನ್ನೇ ಶ್ರೀಗಳು ಸಲಹುತ್ತಿದ್ದಾರೆ.