ಬಸವಕಲ್ಯಾಣದಲ್ಲಿ ಬಿಜೆಪಿ ಅಭ್ಯರ್ಥಿ ಗೆಲುವು; ಖೂಬಾ ಕಾಲಿಗೆ ಬಿದ್ದ ಶರಣು ಸಲಗರ - ಸಂಸದ ಭಗವಂತ್ ಖೂಬಾ

ಬೀದರ್: ಬಸವಕಲ್ಯಾಣ ಉಪಚುನಾವಣೆಯಲ್ಲಿ ಬಿಜೆಪಿ ಅಭ್ಯರ್ಥಿ ಶರಣು ಸಲಗರ ಭರ್ಜರಿ ಗೆಲುವು ಸಾಧಿಸಿದ್ದಾರೆ. ಶಿಕ್ಷಕ ವೃತ್ತಿ ತೊರೆದು ರಾಜಕೀಯಕ್ಕೆ ಎಂಟ್ರಿಕೊಟ್ಟಿದ್ದ ಸಲಗರ ಕಾಂಗ್ರೆಸ್​ನ ಮಾಲಾ.ಬಿ ನಾರಾಯಣರಾವ್​ ವಿರುದ್ಧ ಸುಮಾರು 20,904 ಮತಗಳ ಅಂತರದಿಂದ ಗೆಲುವು ಸಾಧಿಸಿದ್ದಾರೆ. ಒಟ್ಟು 70,556 ಮತಗಳಿಸಿ ಗೆಲುವಿನ ನಗೆ ಬೀರಿದ್ದಾರೆ. ಇನ್ನು ಗೆಲುವು ಖಚಿತವಾಗುತ್ತಿದ್ದಂತೆ ಸಂಸದ ಭಗವಂತ ಖೂಬಾ ಕಾಲಿಗೆ ಬಿದ್ದ ಸಲಗರ ಆಶೀರ್ವಾದ ಪಡೆದಿದ್ದಾರೆ.