ನಾನು ಬೇಲ್​​ ಕೊಡಲ್ಲ, ಅವಳನ್ನು ಕರೆದೊಯ್ದವರೇ ಜಾಮೀನು ಕೊಡಲಿ: ಅಮೂಲ್ಯ ತಂದೆ ಆಕ್ರೋಶ - Pakistan jindabad Slogans

ಚಿಕ್ಕಮಗಳೂರು: ಪಾಕಿಸ್ತಾನ ಜಿಂದಾಬಾದ್​ ಎಂದು ಘೋಷಣೆ ಕೂಗಿ ನ್ಯಾಯಾಂಗ ಬಂಧನದಲ್ಲಿರುವ ಅಮೂಲ್ಯ ಲಿಯೋನ ಅವರ ತಂದೆ ವಾಜಿ ಅವರು ಮಗಳ ನಡೆಗೆ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. 'ನನ್ನ ಮಗಳು ಪ್ರತಿಭಟನೆಯಲ್ಲಿ ದೇಶದ ವಿರುದ್ಧ, ಪ್ರಧಾನಿ ನರೇಂದ್ರ ಮೋದಿ ಹಾಗೂ ಗೃಹ ಸಚಿವ ಅಮಿತ್​ ಷಾ ವಿರುದ್ಧ ಘೋಷಣೆ ಕೂಗಿದ್ದು ತಪ್ಪು. ಅದಕ್ಕೆ ನಾನು ಕ್ಷಮೆಯಾಚಿಸುತ್ತೇನೆ. ನನ್ನ ಮಗಳಿಗೆ ತಕ್ಕ ಶಿಕ್ಷಯಾಗಬೇಕು. ನಾನಂತೂ ಅವಳಿಗೆ ಬೇಲ್​ ಕೊಡುವುದಿಲ್ಲ. ಅವಳನ್ನು ಈ ಮಟ್ಟಕ್ಕೆ ಕರೆದುಕೊಂಡು ಹೋದವರೆ ಕೊಡಲಿ ಎಂದು ತಮ್ಮ ಆಕ್ರೋಶವನ್ನು 'ಈಟಿವಿ ಭಾರತ್​' ಪ್ರತಿನಿಧಿಯೊಂದಿಗೆ ಮಾತನಾಡುತ್ತ ಹೊರಹಾಕಿದ್ದಾರೆ.