ಆದಿವಾಸಿ ಮಹಿಳೆಯಿಂದ 'ಏಳ್ಮಲೆ ಮಾದೇವ' ಹಾಡು: ವಿಡಿಯೋ - Adivasi Woman's Song on Malemadeswara mysore news

ಮೈಸೂರು: ಕೂಲಿ ಕೆಲಸಕ್ಕೆ ಬಂದು ಸಹಪಾಠಿಗಳೊಂದಿಗೆ ಊಟ ಮಾಡುತ್ತಿದ್ದ ಆದಿವಾಸಿ ಮಹಿಳೆ, ಮಲೆಮಾದೇಶ್ವರನ ಕುರಿತಾಗಿ ಹಾಡಿರುವ ಹಾಡೊಂದು ಇದೀಗ ವೈರಲ್​ ಆಗಿದೆ. ನಾಗರಹೊಳೆ ರಾಷ್ಟ್ರೀಯ ಉದ್ಯಾನದ ವ್ಯಾಪ್ತಿಯಲ್ಲಿರುವ ಕಬಿನಿ ಹಿನ್ನೀರಿನ ಪ್ರದೇಶದ ಜಮೀನಿನಲ್ಲಿ ಜೇನುಕುರುಬ ಮಹಿಳೆ ಮಣಿಯಮ್ಮ ಕೂಲಿ ಕೆಲಸ ಮಾಡುತ್ತಿದ್ದರು. ಊಟಕ್ಕಾಗಿ ಅವರು ಸಹಪಾಠಿಗಳೊಂದಿಗೆ ಕುಳಿತಾಗ ಹಾಡಿದ 'ಕರುಳಿನ ಕುಡಿಯ ಕರುಣಿಸು ದೇವ ಏಳ್ಮಲೆ ಮಾದೇವ' ಸಾಮಾಜಿಕ ಜಾಲತಾಣದಲ್ಲಿ ಸಖತ್​​ ಸದ್ದು ಮಾಡುತ್ತಿದೆ. ಎನ್​ಜಿಒ ಸಂಸ್ಥೆಯ ಮಹಿಳೆಯೊಬ್ಬರು ಅಲ್ಲಿಗೆ ಬಂದಾಗ, ಜೇನುಕುರುಬ ಮಹಿಳೆಯರೊಂದಿಗೆ ಸ್ವಲ್ಪ ಹೊತ್ತು ಮಾತನಾಡಿ ಹಾಡನ್ನು ಹಾಡುವಂತೆ ವಿನಂತಿಸಿದ್ದಾರೆ. ಆಗ ಮಣಿಯಮ್ಮ ತಮ್ಮ ಕಂಠಸಿರಿಯಲ್ಲಿ ಸುಮಧುರವಾಗಿ ಮಾದೇಶ್ವರ ಕುರಿತಾಗಿ ಭಕ್ತಿಗೀತೆ ಹಾಡಿದ್ದಾರೆ. ಈ ಹಾಡು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.