'ಅತ್ಯಾಚಾರಿಗಳಿಗೆ ಉಗ್ರ ಶಿಕ್ಷೆಯಾಗಬೇಕು': ಕಿಚ್ಚನ ಖಡಕ್ ಮಾತು - ದಬಅಂಗ್ 3 ಪ್ರಚಾರದಲ್ಲಿ ಕಿಚ್ಚ ಸುದೀಪ್

ಮುಂಬೈ: ಹೈದರಾಬಾದ್ ಪಶುವೈದ್ಯೆ ಅತ್ಯಾಚಾರ ಹಾಗೂ ಬರ್ಬರ ಹತ್ಯೆಯನ್ನು ಕಿಚ್ಚ ಸುದೀಪ್​ ಖಂಡಿಸಿದ್ದು, ಇಂತಹ ಘಟನೆಗಳು ಪ್ರತಿ ಹೆತ್ತವರಿಗೂ, ಪ್ರತಿ ಸಹೋದರರಿಗೂ ಹಾಗೂ ಗಂಡಂದಿರಿಗೂ ತುಂಬಾ ನೋವು ತರುತ್ತದೆ. ಆರೋಪಿಗಳಿಗೆ ಶಿಕ್ಷೆ ಖಂಡಿತವಾಗಿಯೂ ಆಗುತ್ತದೆ. ಆದರೆ ಶಿಕ್ಷೆ ಹೇಗಿರಬೇಕೆಂದರೆ ಮುಂದಿನ ದಿನದಲ್ಲಿ ಯಾರೂ ಸಹ ಇಂತಹುದನ್ನು ಯೋಚನೆ ಸಹ ಮಾಡಬಾರದು ಎಂದು ಸುದೀಪ್​ ಹೇಳಿದ್ದಾರೆ. ಮುಂಬೈನಲ್ಲಿ ತಮ್ಮ ಹಿಂದಿ ಚಿತ್ರ ದಬಾಂಗ್​ -3 ಪ್ರಚಾರದ ವೇಳೆ ಸುದ್ದಿಸಂಸ್ಥೆ ಜೊತೆ ಈ ವಿಚಾರ ಹಂಚಿಕೊಂಡಿದ್ದಾರೆ.