ಸಾಲ ವಸೂಲಾತಿ ವಿಚಾರ: ಬ್ಯಾಂಕ್ ಸಿಬ್ಬಂದಿಯ ಬೈಕ್ ಅಂತ ತಿಳಿದು ಗ್ರಾಮದ ವ್ಯಕ್ತಿ ಬೈಕ್​ಗೆ ಬೆಂಕಿ ಹಚ್ಚಿದ ಮಹಿಳೆಯರು!

ಕೋಲಾರ: ಡಿಸಿಸಿ ಬ್ಯಾಂಕ್​​ನ ಸಾಲ ವಸೂಲಾತಿ ವಿಚಾರಕ್ಕೆ ಸಂಬಂಧಿಸಿದಂತೆ ಭಾರಿ ವಾಗ್ವಾದ ನಡೆದಿದೆ. ಸಾಲ ವಸೂಲಾತಿಗೆ ಬಂದಿದ್ದ ಸಿಬ್ಬಂದಿಯ ಬೈಕ್ ಎಂದು ತಿಳಿದು ಗ್ರಾಮಸ್ಥರೊಬ್ಬರ ಬೈಕ್​ಗೆ ಮಹಿಳೆಯರೆಲ್ಲ ಸೇರಿಕೊಂಡು ಬೆಂಕಿ ಹಚ್ಚಿ ಎಡವಟ್ಟು ಮಾಡಿರುವ ಘಟನೆ ಜಿಲ್ಲೆಯಲ್ಲಿ ಜರುಗಿದೆ. ಜಿಲ್ಲೆಯ ಮುಳಬಾಗಿಲು ತಾಲೂಕಿನ ಬಿಸ್ನಹಳ್ಳಿ ಗ್ರಾಮದಲ್ಲಿ ಈ ಘಟನೆ ಜರುಗಿದ್ದು, ಬ್ಯಾಂಕ್​ ಸಿಬ್ಬಂದಿಯ ಬೈಕ್ ಅಲ್ಲವೆಂದು ಗೊತ್ತಾದ ಬಳಿಕ ಮಹಿಳೆಯರೇ ಬೆಂಕಿ ಆರಿಸಿದ್ದಾರೆ. 

ಮುಳಬಾಗಿಲು ತಾಲೂಕಿನ ಗೋಕುಂಟೆ ಸೊಸೈಟಿಯಿಂದ ಬಿಸ್ನಹಳ್ಳಿ ಗ್ರಾಮದ ಮಹಿಳೆಯರು ಸಾಲ ಪಡೆದಿದ್ದು, ಕಳೆದ ಎರಡು ತಿಂಗಳಿನಿಂದ ಸಾಲ ಕಟ್ಟಿರಲಿಲ್ಲ. ಈ ಹಿನ್ನೆಲೆಯಲ್ಲಿ ಸಿಬ್ಬಂದಿ ಜೋಸೆಫ್ ಎಂಬುವರು ದಾಖಲೆಗಳ ಸಮೇತ ಸಾಲ ವಸೂಲಾತಿಗೆ ತೆರಳಿದ್ದರು. ಈ ವೇಳೆ ಅವರ ಜೊತೆ ವಾಗ್ದಾದ ನಡೆಸಿದ ಗ್ರಾಮದ ಮಹಿಳೆಯರು, ಆಕ್ರೋಶದಲ್ಲಿ ಬೈಕ್​ಗೆ ಬೆಂಕಿ ಹಚ್ಚಿದ್ದರು. ಬಳಿಕ ಈ ಬೈಕ್​ ಅವರದ್ದಲ್ಲ, ಗ್ರಾಮಸ್ಥರ ಬೈಕ್ ಎಂದು ತಿಳಿದ ಕೂಡಲೇ ಮಹಿಳೆಯರೇ ಬೆಂಕಿ ಆರಿಸಿದ್ದಾರೆ. ಸಾಲ ಮನ್ನಾ ವಿಚಾರವಾಗಿ ಕೋಲಾರದಲ್ಲಿ ಸ್ತ್ರೀಶಕ್ತಿ ಸಂಘಗಳ ಮಹಿಳೆಯರ ಪ್ರತಿಭಟನೆ ದಿನೇ ದಿನೇ ತೀವ್ರ ರೂಪ ಪಡೆದುಕೊಳ್ಳುತ್ತಿದೆ. ಇದರ ಬೆನ್ನಲ್ಲೇ ಈ ಘಟನೆ ನಡೆದಿದೆ. 

ಇದನ್ನೂ ಓದಿ:'ಮನ್ ಕಿ ಬಾತ್' 100 ಆಯಿತು; ಈಗಲಾದರೂ ‘ಜನ್ ಕಿ ಬಾತ್' ಕೇಳುತ್ತಿರಾ? : ಸಿದ್ದರಾಮಯ್ಯ