ಗುಂಡು ಹಾರಿಸಿ ಹೋಳಿ ಆಚರಣೆ; 450 ವರ್ಷಗಳಷ್ಟು ಹಳೆಯ ಪದ್ಧತಿ! ವಿಡಿಯೋ ನೋಡಿ - ಈಟಿವಿ ಭಾರತ ಕನ್ನಡ

ಉದಯಪುರ (ರಾಜಸ್ಥಾನ): ದೇಶದಾದ್ಯಂತ ಹೋಳಿ ಹಬ್ಬವನ್ನು ಪರಸ್ಪರ ಬಣ್ಣ ಎರಚಿ ಜನರು ಸಂಭ್ರಮಿಸಿದ್ದಾರೆ. ಆದರೆ ರಾಜಸ್ಥಾನದ ಉದಯಪುರದಿಂದ ಸುಮಾರು 50 ಕಿಲೋಮೀಟರ್​ ದೂರದಲ್ಲಿ ಮೆನಾರ್​ ಎಂಬ ಪುಟ್ಟ ಗ್ರಾಮವಿದೆ. ಇಲ್ಲಿ ಪ್ರತಿ ವರ್ಷ ಹೋಳಿ ಹಬ್ಬವನ್ನು ವಿಭಿನ್ನವಾಗಿ ಆಚರಿಸಲಾಗುತ್ತದೆ. ಗ್ರಾಮದ ಜನರು ಮುಖಾಮುಖಿಯಾಗಿ ನಿಂತು ಗಾಳಿಯಲ್ಲಿ ಗುಂಡು ಹಾರಿಸಿ ಹೋಳಿಯನ್ನು ಸಂಭ್ರಮಿಸುತ್ತಾರೆ. ಬಣ್ಣಗಳ ಬದಲಾಗಿ ಕೋವಿ, ಬಂದೂಕು, ಕತ್ತಿಯ ಜೊತೆಗೆ ಪಟಾಕಿಗಳನ್ನೂ ಸಿಡಿಸಿ ಈ ಹಬ್ಬವನ್ನು ಆಚರಿಸುತ್ತಾರೆ.

ಮೆನಾರ್​ ಗ್ರಾಮದಲ್ಲಿ ಹೋಳಿ ಹಬ್ಬವನ್ನು ರಾತ್ರಿ ಹೊತ್ತಿನಲ್ಲಿ ಆಚರಿಸಲಾಗುತ್ತದೆ. ಇಲ್ಲಿನ ಜನರು ಮುಖಾಮುಖಿಯಾಗಿ ನಿಂತು ಆಕಾಶಕ್ಕೆ ಫಿರಂಗಿಯಿಂದ ಗುಂಡು ಹಾರಿಸುತ್ತಾರೆ. ಜೊತೆಗೆ ಕತ್ತಿಗಳನ್ನು ಬೀಸುತ್ತಾರೆ. ಈ ಸಂಪ್ರದಾಯ ಸುಮಾರು 450 ವರ್ಷ ಹಿಂದಿನಿಂದ ನಡೆದುಕೊಂಡು ಬಂದಿದೆ. ಈ ಗ್ರಾಮದ ಜನರೊಂದಿಗೆ ಸುತ್ತಮುತ್ತಲಿನವರು ಕೂಡ ಹೋಳಿ ಆಚರಿಸಲು ಇಲ್ಲಿಗೆ ಬರುತ್ತಾರೆ. ಇಲ್ಲಿಯವರೆಗೆ ಈ ಗ್ರಾಮದಲ್ಲಿ ಹೋಳಿ ಆಡುವಾಗ ಯಾರಿಗೂ ಪ್ರಾಣಹಾನಿಯಾಗಿಲ್ಲ ಎಂಬುದು ವಿಶೇಷ. 

ಇದನ್ನೂ ಓದಿ:ಹೋಳಿ ಪಾರ್ಟಿ ಆಯೋಜಿಸಲು ನಿಮಗೆ ಅಗತ್ಯವಿರುವ 6 ಅಗತ್ಯತೆಗಳು..! ಆರೋಗ್ಯದ ಬಗ್ಗೆ ಇರಲಿ ಎಚ್ಚರಿಕೆ!