ಯಾತ್ರಾರ್ಥಿಗಳ ಕಾರು ಅಪಘಾತ : ಇಬ್ಬರು ಸ್ಥಳದಲ್ಲೇ ಸಾವು

ತಿರುವಣ್ಣಾಮಲೈ (ತಮಿಳುನಾಡು):ತಿರುವಣ್ಣಾಮಲೈ ಅಣ್ಣಾಮಲೈಯರ್ ದೇವಸ್ಥಾನದ ಚಿತ್ರ ಪೌರ್ಣಮಿ ಜಾತ್ರಾ ಮಹೋತ್ಸವದಲ್ಲಿ ಪಾಲ್ಗೊಂಡು ವಾಪಸಾಗುತ್ತಿದ್ದ ಆಂಧ್ರ ಮೂಲದ ಯಾತ್ರಾರ್ಥಿಗಳ ಕಾರು ಅಪಘಾತಕ್ಕೀಡಾಗಿರುವ ಘಟನೆ ನಡೆದಿದೆ. ಅಪಘಾತದಲ್ಲಿ ವೆಂಕಟ ರೆಡ್ಡಿ (61) ಮತ್ತು ಶೇಖರ್​ ರೆಡ್ಡಿ(55) ಎಂಬವರು ಸ್ಥಳದಲ್ಲೇ ಸಾವನ್ನಪ್ಪಿದ್ದು, ಮೋನಿಕಾ ಮತ್ತು ಮಧುಮಿತ ಎಂಬವರು ಗಂಭೀರವಾಗಿ ಗಾಯಗೊಂಡಿದ್ದಾರೆ.

ಆಂಧ್ರ ಪ್ರದೇಶದ ರಾಜಮಂಡ್ರಿ ಸಮೀಪದ ಕೊರಲಂಪೆಟ್ಟಾದಿಂದ ಈ ನಾಲ್ವರು ತಿರುವಣ್ಣಾಮಲೈ ದೇವಸ್ಥಾನದಲ್ಲಿನ ಗಿರಿವಾಲಂ ಜಾತ್ರೆ ಆಗಮಿಸಿದ್ದರು. ಜಾತ್ರೋತ್ಸವ ಮುಗಿಸಿ ನಿನ್ನೆ (ಮೇ 5) ರಾತ್ರಿ ವೆಲ್ಲೂರು ಮೂಲಕ ಆಂಧ್ರ ಪ್ರದೇಶಕ್ಕೆ ವಾಪಸಾಗುತ್ತಿದ್ದರು. ಈ ವೇಳೆ ಅರಣಿ ಬಳಿಯ ಅಯ್ಯಂಪಾಲಯಂ ಬಳಿ ಯಾತ್ರಾರ್ಥಿಗಳು ಸಂಚರಿಸುತ್ತಿದ್ದ ಕಾರು ಮಿನಿ ಬಸ್​ಗೆ ಡಿಕ್ಕಿಯಾಗಿದೆ.

ಈ ವೇಳೆ ಕಾರು ಚಲಾಯಿಸುತ್ತಿದ್ದ ಶೇಖರ ರೆಡ್ಡಿ ಮತ್ತು ಸಹ ಪ್ರಯಾಣಿಕ ವೆಂಕಟರೆಡ್ಡಿ ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಗಂಭೀರ ಗಾಯಗೊಂಡಿರುವ ಇಬ್ಬರನ್ನು ವೆಲ್ಲೂರು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಇನ್ನು, ಮಿನಿ ಬಸ್​ನಲ್ಲಿದ್ದ ಒಬ್ಬರಿಗೆ ಗಾಯವಾಗಿದ್ದು, ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಬಸ್ಸಿನಲ್ಲಿ 22 ಮಂದಿ ಪ್ರಯಾಣಿಸುತ್ತಿದ್ದರು. ಕನ್ನಮಂಗಳ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಇದನ್ನೂ ಓದಿ :ಅದ್ದೂರಿಯಾಗಿ ನಡೆದ ಮಣ್ಣೂರು ಯಲ್ಲಮ್ಮ ದೇವಿ ಜಾತ್ರೆ - ವಿಡಿಯೋ