ಖಡಕ್​​​ವಾಸ್ಲಾ ಡ್ಯಾಂಗೆ ಈಜಲು ಬಂದ ಬಾಲಕಿಯರು: 7 ಮಂದಿ ರಕ್ಷಣೆ, ಇಬ್ಬರ ಸಾವು

ಪುಣೆ: ಇಂದು ಬೆಳಗ್ಗೆ ಪುಣೆಯ ಖಡಕ್​ವಾಸ್ಲಾ ಡ್ಯಾಂಗೆ ಈಜಲು ಬಂದ ಒಂಬತ್ತು ಬಾಲಕಿಯರಲ್ಲಿ 7 ಮಂದಿಯನ್ನು ರಕ್ಷಿಸಲಾಗಿದೆ. ಇಬ್ಬರು ನೀರಿನಲ್ಲಿ ಮುಳುಗಿ ಮೃತಪಟ್ಟಿದ್ದು,  ಮೃತದೇಹಗಳನ್ನು ಹೊರತೆಗೆಯಲಾಗಿದೆ. ಈ ಎಲ್ಲ ಬಾಲಕಿಯರು ಬುಲ್ಧಾನಾ ಜಿಲ್ಲೆಯವರು ಎಂದು ತಿಳಿದು ಬಂದಿದೆ.

ಇದನ್ನೂ ಓದಿ : ದುರುದ್ದೇಶದಿಂದ ಸ್ಕೂಟರ್​ಗೆ ಕಾರು ಗುದ್ದಿದ ಆರೋಪ : ಇಬ್ಬರು ಸ್ಥಳದಲ್ಲೇ ಸಾವು 

ಇಂದು ಬೆಳಗ್ಗೆ ಗೊಹೆ ಖುರ್ದ್ ಗ್ರಾಮದ ಕಲ್ಮಾಡಿ ಫಾರ್ಮ್ ಹೌಸ್ ಬಳಿಯ ಖಡಕ್ವಾಸ್ಲಾ ಅಣೆಕಟ್ಟೆಯಲ್ಲಿ ಈಜಲು 9 ಮಂದಿ ಬಾಲಕಿಯರು ಆಗಮಿಸಿದ್ದರು. ಈ ವೇಳೆ,  9 ಬಾಲಕಿಯರ ಪೈಕಿ 7 ಮಂದಿ ನೀರಿಗೆ ಇಳಿದಿದ್ದಾರೆ. ಈಜು ಬಾರದ ಹಿನ್ನೆಲೆ ಎಲ್ಲರೂ ನೀರಿನಲ್ಲಿ ಮುಳುಗಲು ಪ್ರಾರಂಭಿಸಿದ್ದು, ಕೂಡಲೇ ಸ್ಥಳೀಯರು 5 ಮಂದಿಯನ್ನು ರಕ್ಷಿಸಿದ್ದಾರೆ. ಇನ್ನಿಬ್ಬರು ನೀರಿನಲ್ಲಿ ಮುಳುಗಿದ್ದು, ವಿಷಯ ತಿಳಿದು ಸ್ಥಳಕ್ಕೆ ಆಗಮಿಸಿದ ಪಿಎಂಆರ್‌ಡಿಎ ಅಗ್ನಿಶಾಮಕ ಸಿಬ್ಬಂದಿ ನೀರಿನಿಂದ ಇಬ್ಬರ ಮೃತದೇಹಗಳನ್ನು ಹೊರತೆಗೆದಿದ್ದಾರೆ. 

ಇದನ್ನೂ ಓದಿ :ಯಲ್ಲಾಪುರ : ಬಾವಿಗೆ ಇಳಿದವನ ರಕ್ಷಣೆಗೆ ಮುಂದಾದ ಇಬ್ಬರು ಸೇರಿ ಮೂವರೂ ಸಾವು