ಮೋದಿ ರೋಡ್ ಶೋ ವೇಳೆ ಟ್ರಾಫಿಕ್​ನಲ್ಲಿ ಸಿಲುಕಿದ ಆಂಬ್ಯುಲೆನ್ಸ್​ಗಳು - Karnataka assembly election 2023

ಬೆಂಗಳೂರು: ಪ್ರಧಾನಿ ನರೇಂದ್ರ ಮೋದಿ ರೋಡ್ ಶೋ ಸಾಗುತ್ತಿದ್ದ ಮಾರ್ಗದಲ್ಲಿ ಆಗಮಿಸಿದ ಎರಡು ಆಂಬ್ಯುಲೆನ್ಸ್​ಗಳು ಟ್ರಾಫಿಕ್​ನಲ್ಲಿ ಸಿಲುಕಿಕೊಂಡವು. ಭದ್ರತಾ ಕಾರಣಕ್ಕಾಗಿ ಬ್ಯಾರಿಕೇಡ್ ಅಳವಡಿಸಿದ್ದರಿಂದ ರೋಡ್ ಶೋ ಮುಂದೆ ಸಾಗುವವರೆಗೂ ರಸ್ತೆಯಲ್ಲಿ ಆಂಬ್ಯುಲೆನ್ಸ್​ಗಳು ನಿಲ್ಲಬೇಕಾಯಿತು. ಜಯನಗರ ಮೆಟ್ರೋ ನಿಲ್ದಾಣದ ಬಳಿ ಎರಡು ಆಂಬ್ಯುಲೆನ್ಸ್​ ವಾಹನಗಳು ರಸ್ತೆ ಮಧ್ಯೆ ಸಿಲುಕಿ ಹಾಕಿಕೊಂಡಿದ್ದವು.

ಮೋದಿ ರೋಡ್ ಶೋ ಹಿನ್ನೆಲೆ ಬ್ಯಾರಿಕೇಡ್ ಹಾಕಿದ್ದರಿಂದಾಗಿ 10 ನಿಮಿಷ ರಸ್ತೆಯಲ್ಲೇ ಸೈರನ್ ಮಾಡಿ, ಟ್ರಾಫಿಕ್ ಕ್ಲಿಯರೆನ್ಸ್​ಗಾಗಿ ಕಾಯುತ್ತಾ ಇರಬೇಕಾಯಿತು‌. ಕಣ್ಣಮುಂದೆಯೇ ಆಂಬ್ಯುಲೆನ್ಸ್​ಗಳು ಟ್ರಾಫಿಕ್​ನ​ಲ್ಲಿ ಸಿಲುಕಿದ್ದರೂ ಪೊಲೀಸರು ಏನು ಮಾಡಲಾಗದೆ ಸುಮ್ಮನೆ ಇರಬೇಕಾದ ಪರಿಸ್ಥಿತಿ ನಿರ್ಮಾಣವಾಗಿತ್ತು. ಬಂದೋಬಸ್ತ್​ನಲ್ಲಿ ತೊಡಗಿದ್ದ ಪೊಲೀಸರು, ಟ್ರಾಫಿಕ್ ಕ್ಲಿಯರ್ ಮಾಡುವುದಕ್ಕಿಂತಲೂ ಪ್ರಧಾನಿಗೆ ಭದ್ರತೆ ಕಲ್ಪಿಸಲು ಹೆಚ್ಚು ಆಧ್ಯತೆ ನೀಡಬೇಕಾದ ಕಾರಣ ಟ್ರಾಫಿಕ್​ನಿಂದ ಹೊರಬರಲು ಆಂಬ್ಯುಲೆನ್ಸ್​ಗಳು ಪರದಾಡಬೇಕಾಯಿತು.

ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ರೋಡ್ ಶೋ ಬೆಂಗಳೂರಿನ ಜೆ.ಪಿ. ನಗರದ ಸೋಮೇಶ್ವರ ಭವನದಿಂದ ಬೆಳಗ್ಗೆ 10.30ಕ್ಕೆ ಆರಂಭವಾಗಿ ಅಂದಾಜು 26 ಕಿಮೀ ವರೆಗೆ ಸಾಗಿತು.

ಇದನ್ನೂ ಓದಿ :ಮೋದಿ ರೋಡ್ ಶೋನಲ್ಲಿ ರಾರಾಜಿಸುತ್ತಿರುವ ಬಜರಂಗಿ ಧ್ವಜಗಳು: ಕೇಸರಿ ಕಾರ್ಯಕರ್ತರಿಂದ ಕಾಂಗ್ರೆಸ್​ಗೆ ಟಕ್ಕರ್