ಭಾರತ-ಅಮೆರಿಕ ಸೇನಾಪಡೆಗಳ ನಡುವೆ ಜಂಟಿ ಸಮರಾಭ್ಯಾಸ- ವಿಡಿಯೋ

ಅಲಾಸ್ಕಾ (ಅಮೆರಿಕ) : ಭಾರತ ಮತ್ತು ಅಮೆರಿಕದ ಸೇನಾಪಡೆಗಳು ಅಮೆರಿಕದ ಅಲಾಸ್ಕಾದಲ್ಲಿ ಜಂಟಿ ಸಮರಾಭ್ಯಾಸದಲ್ಲಿ ತೊಡಗಿವೆ. ಉಭಯ ದೇಶಗಳ ಯೋಧರ ನಡುವೆ 'ಯುಧ್​ ಅಭ್ಯಾಸ್'​ ತಾಲೀಮು ನಡೆಯುತ್ತಿದ್ದು, ಶುಕ್ರವಾರ ಸೇನಾ ಪಡೆಗಳು ಭಯೋತ್ಪಾದನಾ ನಿಗ್ರಹ ಶಸ್ತ್ರಾಭ್ಯಾಸ ನಡೆಸಿದವು ಎಂದು ಸೇನಾ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

ಇದು ಭಾರತ ಮತ್ತು ಅಮೆರಿಕ ನಡುವಿನ 19ನೇ ಆವೃತ್ತಿಯ ಜಂಟಿ ಸಮರಾಭ್ಯಾಸವಾಗಿದೆ. ಈ ಸಮರಾಭ್ಯಾಸವು ಭಾರತೀಯ ಸೇನೆ ಮತ್ತು ಅಮೆರಿಕದ ನಡುವಿನ ಬಾಂಧವ್ಯವನ್ನು ಮತ್ತಷ್ಟು ಉತ್ತಮಗೊಳಿಸಲು ಪೂರಕವಾಗಿದೆ. ಇದೇ ವೇಳೆ ವಿವಿಧ ಸಮರಾಭ್ಯಾಸಗಳನ್ನು ಪರಸ್ಪರ ಅರಿತುಕೊಳ್ಳಲು ಸಹಕಾರಿಯಾಗಲಿದೆ. ಸಮರಾಭ್ಯಾಸವು ಸೆಪ್ಟೆಂಬರ್​ 25ರಂದು ಪ್ರಾರಂಭವಾಗಿದ್ದು, ಅಕ್ಟೋಬರ್​ 8ರವರೆಗೆ ನಡೆಯಲಿದೆ. ಭಾರತೀಯ ಸೇನೆಯ 350 ಯೋಧರು ಸಮರಾಭ್ಯಾಸದಲ್ಲಿ ಪಾಲ್ಗೊಂಡಿದ್ದಾರೆ ಎಂದು ಭಾರತೀಯ ಸೇನಾ ಅಧಿಕಾರಿಗಳು ತಿಳಿಸಿದ್ದಾರೆ.

ಭಾರತ, ಅಮೆರಿಕ ಸೇನಾ ಪಡೆಗಳು ಯುದ್ಧ ನೈಪುಣ್ಯತೆಯನ್ನು ಹೊಂದಲು 'ಯುದ್ಧ್ ಅಭ್ಯಾಸ್'​ ಎಂಬ ಜಂಟಿ ಸಮರಾಭ್ಯಾಸ ನಡೆಸುತ್ತಿವೆ. 

ಇದನ್ನೂ ಓದಿ :ಸಮುದ್ರ ತೀರಕ್ಕೆ ಕೊಚ್ಚಿಕೊಂಡು ಬಂದ ಬ್ರಿಟಿಷರ ಕಾಲದ ಬೃಹತ್ ಮರದ ಪೆಟ್ಟಿಗೆ... ಒಡೆದಾಗ ಸಿಕ್ಕಿದೇನು?.. ವಿಡಿಯೋ