ಕಿಲೋ ಮೀಟರ್​ ದೂರದವರೆಗೆ ವಿದ್ಯಾರ್ಥಿಯನ್ನು ಎಳೆದೊಯ್ದ ಕಾರು.. ರೊಚ್ಚಿಗೆದ್ದ ಜನರಿಂದ ಚಾಲಕನಿಗೆ ಥಳಿತ - ವಿದ್ಯಾರ್ಥಿಯನ್ನು ಎಳೆದೊಯ್ದ ಕಾರು

ದೆಹಲಿಯ ಭಯಾನಕ ಪ್ರಕರಣದಂತಹ ಘಟನೆ ಉತ್ತರಪ್ರದೇಶದ ಹರ್ದೋಯಿ ಜಿಲ್ಲೆಯಲ್ಲಿ ಮುನ್ನೆಲೆಗೆ ಬಂದಿದೆ. ಕಾರೊಂದು ಸುಮಾರು ಒಂದು ಕಿಲೋಮೀಟರ್ವರೆಗೆ​ ವಿದ್ಯಾರ್ಥಿಯೋರ್ವನನ್ನು ಎಳೆದೊಯ್ದಿದೆ. ಇದನ್ನು ಕಂಡ ಜನರು ಕಾರು ನಿಲ್ಲಿಸುವಂತೆ ಹೇಳಿದ್ರೂ ಸಹ ಕಿವಿಗೊಡದೇ ಚಾಲಕ ಹಾಗೇ ಮುಂದಕ್ಕೆ ಸಾಗಿದ್ದಾನೆ. ಬಳಿಕ ಕಾರು ನಿಲ್ಲಿಸುವಲ್ಲಿ ಸಾರ್ವಜನಿಕರು ಯಶಸ್ವಿಯಾಗಿದ್ದಾರೆ. ಆಗ ಡ್ರೈವರ್​ಗೆ ಹಿಗ್ಗಾಮುಗ್ಗಾ ಥಳಿಸಿದ್ದಾರೆ. ಬಳಿಕ ಕಾರನ್ನು ಜಖಂಗೊಳಿಸಿ ತಮ್ಮ ಆಕ್ರೋಶವನ್ನು ಹೊರಹಾಕಿದರು. ಪೊಲೀಸರು ಸ್ಥಳಕ್ಕೆ ದೌಡಾಯಿಸಿ ಆರೋಪಿಯನ್ನು ಬೈಕ್​ನಲ್ಲಿ ಠಾಣೆಗೆ ಕರೆದೊಯ್ಯಲು ಹರಸಾಹಸ ಪಟ್ಟರು. ಅಪಘಾತದಲ್ಲಿ ಗಾಯಗೊಂಡ ವಿದ್ಯಾರ್ಥಿಯನ್ನು ಚಿಕಿತ್ಸೆಗಾಗಿ ಜಿಲ್ಲಾಸ್ಪತ್ರೆಗೆ ದಾಖಲಿಸಲಾಗಿದೆ.