ಪರಶುರಾಮ್​ ಹತ್ಯೆಯಲ್ಲಿ ಮಗನೊಂದಿಗೆ ಗೆಳೆಯ ಭಾಗಿ: ಎಸ್​ಪಿ - ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಜಯಪ್ರಕಾಶ್

ಬಾಗಲಕೋಟೆ: ಮುಧೋಳದಲ್ಲಿ ತಂದೆಯನ್ನು ಕೊಲೆಗೈದು ಮೃತದೇಹವನ್ನು ತುಂಡರಿಸಿ ಕೊಳವೆಬಾವಿಗೆ ಹಾಕಿದ ಪ್ರಕರಣದಲ್ಲಿ ಮಗ ವಿಠ್ಠಲ್​ ಜೊತೆಗೆ ಇನ್ನೋರ್ವ ಸ್ನೇಹಿತ ಕೈ ಜೋಡಿಸಿದ್ದಾನೆ. ಈ ಬಗ್ಗೆ ತನಿಖೆ ನಡೆಯುತ್ತಿದೆ ಎಂದು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಜಯಪ್ರಕಾಶ್​​ ಮಾಹಿತಿ ನೀಡಿದರು. 50 ಸಾವಿರ ರೂಪಾಯಿಗೆ ಆರಂಭವಾದ ಜಗಳ ಕೊಲೆಯಲ್ಲಿ ಅಂತ್ಯವಾಗಿದೆ. ಪರಶುರಾಮ್​​ ನಾಪತ್ತೆಯಾಗಿರುವ ಬಗ್ಗೆ ವಿಠ್ಠಲ್​ನನ್ನು​ ವಿಚಾರಿಸಿದಾಗ ಪ್ರಕರಣ ಬಯಲಾಗಿದೆ. ಮುಧೋಳ ಸಿಪಿಐ ಅಯ್ಯನಗೌಡ ನೇತೃತ್ವದಲ್ಲಿ ತನಿಖೆ ನಡೆಸಿ ಆರೋಪಿಯನ್ನು ಬಂಧಿಸಲಾಗಿದೆ ಎಂದು ಎಸ್ಪಿ ತಿಳಿಸಿದರು.