ಯುಐ ಶೂಟಿಂಗ್ ಅಡ್ಡಕ್ಕೆ ಎಂಟ್ರಿ ಕೊಟ್ಟ ಶಿವರಾಜ್​​ಕುಮಾರ್

ಬೆಂಗಳೂರು: ನೆಲಮಂಗಲ ಹತ್ತಿರದಲ್ಲಿರುವ ಮೋಹನ್ ಬಿ ಕೆರೆ ಸ್ಟುಡಿಯೋದಲ್ಲಿ ಯುಐ ಚಿತ್ರೀಕರಣಕ್ಕೆ ದುಬಾರಿ ಸೆಟ್ ಹಾಕಲಾಗಿದ್ದು, ಶೂಟಿಂಗ್ ಭರದಿಂದ ಸಾಗುತ್ತಿದೆ. ಶೂಟಿಂಗ್ ಸೆಟ್​ಗೆ ಶಿವರಾಜ್​ಕುಮಾರ್ ಮತ್ತು ಪತ್ನಿ ಗೀತಾ ಸರ್​ಪ್ರೈಸ್ ಎಂಟ್ರಿಕೊಟ್ಟಿದ್ದಾರೆ. ನಿರ್ಮಾಪಕ ಕೆ.ಪಿ ಶ್ರೀಕಾಂತ್ ಹಾಗೂ ಈ ಸಿನಿಮಾದ ಮತ್ತೋರ್ವ ನಿರ್ಮಾಪಕ‌ ಮೋಹನ್‌ ಅವರು ಶಿವರಾಜ್​ಕುಮಾರ್ ದಂಪತಿಯನ್ನು ಬರಮಾಡಿಕೊಂಡರು. ಉಪೇಂದ್ರ ಅವರು ಸಿನಿಮಾ ಗೆಟಪ್​ನಲ್ಲಿದ್ದ ಕಾರಣ ಕ್ಯಾಮರಾ ಹಿಂದಿನಿಂದಲೇ ಉಪೇಂದ್ರ, ಶಿವರಾಜ್ ಕುಮಾರ್ ಹಾಗೂ ಗೀತಾ ಮೂವರು ಕೆಲ ಹೊತ್ತು ಉಭಯಕುಶಲೋಪರಿ ವಿಚಾರಿಸಿದ್ದಾರೆ. ದಂಪತಿ ಕೆಲ ಹೊತ್ತು ಚಿತ್ರತಂಡದ ಜೊತೆಯೂ ಮಾತುಕತೆ ನಡೆಸಿದ್ದಾರೆ.