ಬಿಜೆಪಿ ಅಧ್ಯಕ್ಷ ಆಶಿಶ್​ ಶೆಲಾರ್ ಮನೆಯಲ್ಲಿ ಗಣೇಶನ ದರ್ಶನ ಪಡೆದ ಸಚಿನ್ ತೆಂಡೂಲ್ಕರ್ - ಆಶಿಶ್​ ಶೆಲಾರ್​ ಅವರ ಮನೆಯ ಗಣಪತಿ ಪೂಜೆ

ಮುಂಬೈ: ಮುಂಬೈ ಬಿಜೆಪಿ ಅಧ್ಯಕ್ಷ ಆಶಿಶ್​ ಶೆಲಾರ್​ ಅವರ ಮನೆಯ ಗಣಪತಿ ಪೂಜೆಗೆ ಮಾಜಿ ಕ್ರಿಕೆಟ್​ ಆಟಗಾರ ಸಚಿನ್ ತೆಂಡೂಲ್ಕರ್​ ಆಗಮಿಸಿ ಗಣಪನ ದರ್ಶನ ಪಡೆದಿದ್ದಾರೆ. ಇದೀಗ ಸಚಿನ್​ ಭೇಟಿಯ ವಿಡಿಯೋ ಎಲ್ಲೆಡೆ ವೈರಲಾಗುತ್ತಿದೆ. ಕಾರಿನಲ್ಲಿ ಬಂದಿಳಿದ ಸಚಿನ್​ನನ್ನು ಅಧ್ಯಕ್ಷ ಆಶಿಶ್​ ಶೆಲಾರ್ ಬರಮಾಡಿಕೊಂಡರು. ಸಚಿನ್ ಗೋಲ್ಡ್​ ಬಣ್ಣದ ಕುರ್ತಾ, ಬಿಳಿ ಬಣ್ಣದ ಪ್ಯಾಂಟ್​ ಧರಿಸಿದ್ದರು. ಗಣಪನ ದರ್ಶನ ಬಳಿಕ ಮತ್ತೆ ಕಾರಿನ ಬಳಿ ಆಶಿಶ್​ ಶೆಲಾರ್ ಸಚಿನ್​ರೊಂದಿಗೆ ಬರುವ ಮೂಲಕ ಬೀಳ್ಕೊಟ್ಟರು. ಇನ್ನು ಅಧ್ಯಕ್ಷ ಆಶಿಶ್​ ಶೆಲಾರ್​ ಸಚಿನ್​ಗೆ ಉಜ್ಜಯಿನಿ ಮಹಕಾಳೇಶ್ವರ ಶಿವಲಿಂಗದ ಫೋಟೋವೊಂದನ್ನು ಉಡುಗೊರೆಯಾಗಿ ನೀಡಿದ್ದಾರೆ. ಹಾಗೆಯೇ ಸಚಿನ್​ ಭೇಟಿಯ ನೀಡಿರುವ ಫೋಟೋವನ್ನು ತಮ್ಮ ಅಧಿಕೃತ ಖಾತೆ ಎಕ್ಸ್​ನಲ್ಲಿ ಅಶಿಶ್ ಪೋಸ್ಟ್​ ಮಾಡಿಕೊಂಡಿದ್ದಾರೆ. 

ಇನ್ನು ಮೊನ್ನೆ ಮಹಾರಾಷ್ಟ್ರ ಮುಖ್ಯಮಂತ್ರಿ ಏಕನಾಥ್ ಶಿಂಧೆ ಅವರ ನಿವಾಸದಲ್ಲಿಯೂ ಗಣಪತಿ ಪೂಜೆ ನಡೆದಿದ್ದು, ಬಾಲಿವುಡ್​ ತಾರೆಯರೆಲ್ಲ ಭಾಗಿಯಾಗಿದ್ದರು. ಅದರಲ್ಲೂ ಟೈಗರ್​ ಖಾನ್ ಸಲ್ಮಾನ್​ ಖಾನ್​ ಮತ್ತು ಕಿಂಗ್​ ಖಾನ್​ ಶಾರುಖ್​ ಖಾನ್​ ಜೊತೆಯಲ್ಲಿ ಕಾಣಿಸಿಕೊಂಡಿದ್ದು ವಿಶೇಷವಾಗಿತ್ತು.

ಇದನ್ನೂ ಓದಿ:ಮಹಾರಾಷ್ಟ್ರ ಸಿಎಂ ಶಿಂಧೆ ನಿವಾಸದಲ್ಲಿ ಗಣಪತಿ ಪೂಜೆ; ಶಾರುಖ್​​, ಸಲ್ಮಾನ್​ ಭಾಗಿ​-ವಿಡಿಯೋ