'ಕ್ಲಾಸ್​ ಬಂಕ್​ ಮಾಡಿ ಸಿನಿಮಾಗೆ ಹೋಗುವ ಜೋಶ್​ನಲ್ಲೇ ವೋಟ್​ ಮಾಡಿ': ಅವಳಿ ಮಕ್ಕಳ ಮನವಿ - ಕರ್ನಾಟಕ ಕುರುಕ್ಷೇತ್ರ 2023

ಚಾಮರಾಜನಗರ: ರಾಜ್ಯ ವಿಧಾನಸಭೆ ಚುನಾವಣೆಗೆ ಇಂದು ಬೆಳಗ್ಗೆಯಿಂದಲೇ ಮತದಾನ ಪ್ರಕ್ರಿಯೆ ನಡೆಯುತ್ತಿದೆ. ಸಾವಿರಾರು ಯುವಕ- ಯುವತಿಯರು ಮೊದಲ ಬಾರಿಗೆ ಉತ್ಸಾಹದಿಂದ ತಮ್ಮ ಹಕ್ಕು ಚಲಾಯಿಸಿ ಗಮನ ಸೆಳೆದಿದ್ದಾರೆ. ಅಂತೆಯೇ ಚಾಮರಾಜನಗರದ ಅವಳಿ ಮಕ್ಕಳಿಬ್ಬರು ಮೊದಲ ಬಾರಿಗೆ ಮತದಾನ ಮಾಡಿದರು. ​ 

ಶಿವಾನಿ ಮತ್ತು ಶರಣ್ ಎಂಬ ಅವಳಿ ಮಕ್ಕಳು ತುಮಕೂರು ನಗರದಿಂದ ಚೊಚ್ಚಲ ಮತದಾನಕ್ಕಾಗಿ ಚಾಮರಾಜನಗರಕ್ಕೆ ಆಗಮಿಸಿ ಮತ ಚಲಾಯಿಸಿದ್ದಾರೆ. ಬಳಿಕ ಮಾಧ್ಯಮದೊಂದಿಗೆ ಮಾತನಾಡಿ ಮೊದಲ ಮತದಾನದ ಖುಷಿ ಹಂಚಿಕೊಂಡರು. 

"ಕಾಲೇಜಿನಲ್ಲಿ ಕ್ಲಾಸ್ ಬಂಕ್ ಮಾಡಿ ಫಿಲಂಗೆ ಹೋಗುವ ಜೋಶ್​ನಲ್ಲೇ ವೋಟ್​ ಕೂಡ ಮಾಡಬೇಕು. ಯುವಕರು ಯಾವತ್ತೂ ಮತದಾನ ಮಿಸ್​ ಮಾಡಬಾರದು. ನಮ್ಮಿಚ್ಛೆಯ ನಾಯಕರನ್ನು ಆಯ್ಕೆ ಮಾಡಲು ವೋಟಿಂಗ್​ನಿಂದ ಮಾತ್ರವೇ ನಮಗೆ ಸಾಧ್ಯ. ಯುವರ್​ ಓಟ್​, ಯುವರ್​ ಚಾಯ್ಸ್​ ಎಂಬ ರೀತಿಯಲ್ಲಿ ಎಲ್ಲರೂ ತಪ್ಪದೇ ಮತದಾನ ಮಾಡಿ. ನಿಮ್ಮ ಹಕ್ಕು ಚಲಾಯಿಸಿ" ಎಂದು ಜನತೆಯಲ್ಲಿ ಮನವಿ ಮಾಡಿದರು.

ಇದನ್ನೂ ಓದಿ:ಚಾಮರಾಜನಗರ - ನನ್ನ ಪರವಾಗಿ ನಾನೇ ಮತ ಹಾಕಿದೆ: ಸಂತಸ ವ್ಯಕ್ತಪಡಿಸಿದ ಸಚಿವ ಸೋಮಣ್ಣ