Watch... ಪ್ರತಿಭಟನಾ ನಿರತ ಸರಪಂಚ್ಗಳ ಮೇಲೆ ಲಾಠಿ ಚಾರ್ಜ್ - Etv Bharat Kannada
ಪಂಚಕುಲ (ಹರಿಯಾಣ): ರಾಜ್ಯ ಸರ್ಕಾರ ಜಾರಿಗೆ ತಂದಿರುವ ಇ-ಟೆಂಡರ್ ವಿರೋಧಿಸಿ ಹರಿಯಾಣದ ಸರಪಂಚ್ಗಳು ಸಿಎಂ ನಿವಾಸಕ್ಕೆ ಮುತ್ತಿಗೆ ಹಾಕಲು ಯತ್ನಿಸಿದ್ದಾರೆ. ಈ ವೇಳೆ ಪೊಲೀಸರು ಬ್ಯಾರಿಕೇಡ್‌ಗಳನ್ನು ಹಾಕಿ ಪ್ರತಿಭಟನಾ ನಿರತ ಸರಪಂಚ್‌ಗಳನ್ನು ತಡೆದಿದ್ದಾರೆ. ಇನ್ನು ಅಲ್ಲಿ ಹಾಕಲಾಗಿದ್ದ ಬ್ಯಾರಿಕೇಡ್‌ಗಳನ್ನು ತೆರೆಯಲು ಸರ್ಪಂಚ್ಗಳು ಪ್ರಯತ್ನಿಸಿದ್ದಾರೆ. ಈ ವೇಳೆ ಪೊಲೀಸರು ಮತ್ತು ಸರಪಂಚ್ಗಳ ನಡುವೆ ವಾಗ್ವಾದ ನಡೆದಿದೆ. ನಂತರ ಸರಪಂಚ್ಗಳು ಪೊಲೀಸರ ಮೇಲೆ ಕಲ್ಲು ತೂರಾಟ ನಡೆಸಿದ್ದಾರೆ. ಇದಕ್ಕೆ ಪ್ರತಿಯಾಗಿ ಪೊಲೀಸರು ಲಾಠಿ ಚಾರ್ಜ್ ಮಾಡಿದ್ದಾರೆ ಎನ್ನಲಾಗಿದೆ.
ಬೆಳಗ್ಗೆಯಿಂದಲೇ ಹರಿಯಾಣದ ಸರಪಂಚ್ಗಳು ಪಂಚಕುಲ ಸೆಕ್ಟರ್ 5ರ ಶಾಲಿಮಾರ್ ಮೈದಾನದಲ್ಲಿ ಸೇರಲು ಪ್ರಾರಂಭಿಸಿದ್ದರು. ನಂತರ ಸಿಎಂ ನಿವಾಸಕ್ಕೆ ಮುತ್ತಿಗೆ ಹಾಕಲು ಎಲ್ಲ ಸರಪಂಚ್ಗಳು ಚಂಡೀಗಢಕ್ಕೆ ಪ್ರಯಾಣ ಬೆಳೆಸಿದ್ದಾರೆ. ಇ-ಟೆಂಡರ್ ರದ್ದು, ಸರಪಂಚ್‌ಗಳಿಗೆ 30 ಸಾವಿರ ವೇತನ, ಪಂಚರಿಗೆ 5 ಸಾವಿರ ವೇತನ, ಪಿಂಚಣಿ ಸೌಲಭ್ಯ ಸೇರಿದಂತೆ ವಿವಿಧ ಬೇಡಿಕೆಗಳಿಗಾಗಿ ಸರ್ಪಂಚ್ಗಳು ಪ್ರತಿಭಟನೆ ನಡೆಸುತ್ತಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಇದನ್ನೂ ಓದಿ:'ಪಕ್ಷದ ಉತ್ಸವವಾಗಿ ಕದಂಬೋತ್ಸವ': ಸಿಎಂ ಕಾರು ಅಡ್ಡಗಟ್ಟಿ ಕಾಂಗ್ರೆಸ್ ಪ್ರತಿಭಟನೆ