ಬೆಳಗಾವಿಯಲ್ಲಿ ಪ್ರಧಾನಿ ರೋಡ್​ ಶೋ.. ರಸ್ತೆಯುದ್ದಕ್ಕೂ ಮೋದಿಗೆ ಪುಷ್ಪವೃಷ್ಟಿ

ಬೆಳಗಾವಿ :ಬೆಳಗಾವಿಯಲ್ಲಿ ಪ್ರಧಾನಿ ನರೇಂದ್ರ ಮೋದಿಯವರು ಬೃಹತ್​ ರೋಡ್ ಶೋ ನಡೆಸಿದರು. ನಗರದ ಕೆಎಸ್ಆರ್‌ಪಿ ಮೈದಾನದಿಂದ ಆರಂಭಗೊಂಡ ರೋಡ್​​ ಶೋ ಯಡಿಯೂರಪ್ಪ ಮಾರ್ಗವಾಗಿ ಸುಮಾರು ಹತ್ತು ಕಿಲೋಮೀಟರ್​ ಸಾಗಿತು. ನೆಚ್ಚಿನ ಪ್ರಧಾನಿಯನ್ನು ನೋಡಲು ರಸ್ತೆಯ ಇಕ್ಕೆಲಗಳಲ್ಲಿ ಜನರು ಕಿಕ್ಕಿರಿದು ಸೇರಿದ್ದರು.

ರೋಡ್​ ಶೋದಲ್ಲಿ ಕೇಸರಿ ಮತ್ತು ಬಿಜೆಪಿ ಧ್ವಜಗಳು ರಾರಾಜಿಸುತ್ತಿದ್ದವು. ಎಲ್ಲೆಡೆ ಮೋದಿ ಮೋದಿ ಎಂಬ ಜಯಘೋಷ ಮೊಳಗುತ್ತಿತ್ತು. ಕೇಸರಿ ಪೇಟ ತೊಟ್ಟ ಮಹಿಳಾ ಮಣಿಗಳು ಹರಹರ ಮೋದಿ ಎಂದು ಜೈಕಾರ ಕೂಗಿದರು. ರೋಡ್​​ ಶೋ ಉದ್ದಕ್ಕೂ ಮೋದಿಗೆ ಪುಷ್ಪ ವೃಷ್ಟಿ ಸುರಿಸಲಾಯಿತು. ಸುಮಾರು ಒಂದೂವರೆ ಗಂಟೆಗಳ ಕಾಲ ರೋಡ್​ ಶೋ ನಡೆಯಿತು. 

ಇದನ್ನೂ ಓದಿ :  ಬೆಳಗಾವಿಯಲ್ಲಿ ಪ್ರಧಾನಿಗೆ ಕಾಯಕಯೋಗಿಗಳಿಂದ ಸ್ವಾಗತ.. ಕುಂದಾನಗರಿಯಲ್ಲಿ ಮೋದಿ ಭರ್ಜರಿ ರೋಡ್​ ಶೋ