ನೂರು ಸಂಚಿಕೆ ತಲುಪಲಿರುವ ಮನ್ ಕಿ ಬಾತ್: ಮರಳಲ್ಲಿ ಮೂಡಿದ ರೇಡಿಯೋದೊಂದಿಗಿನ ಮೋದಿ ಕಲಾಕೃತಿ - ಈಟಿವಿ ಭಾರತ ಕನ್ನಡ

ಪುರಿ (ಒಡಿಶಾ):ಪಿಎಂ ಮೋದಿ ಮಾಸಿಕ ರೇಡಿಯೋ ಕಾರ್ಯಕ್ರಮ ಮನ್ ಕಿ ಬಾತ್ ತನ್ನ 100ನೇ ಸಂಚಿಕೆಯನ್ನು ಪೂರ್ಣಗೊಳಿಸಲಿದೆ. ಮರಳು ಕಲಾವಿದ ಸುದರ್ಶನ್ ಪಟ್ನಾಯಕ್ ಅವರು ಪುರಿ ಬೀಚ್‌ನಲ್ಲಿ ರೇಡಿಯೋದೊಂದಿಗಿನ ಪ್ರಧಾನಿ ಮೋದಿ ಅವರ ಮರಳು ಕಲೆಯನ್ನು ರಚಿಸಿದ್ದಾರೆ. ಮನ್ ಕಿ ಬಾತ್ ನ 100ನೇ ಸಂಚಿಕೆಯನ್ನು ಸ್ವಾಗತಿಸಲು ಸುದರ್ಶನ್ 8 ಅಡಿ ಎತ್ತರದ ಮರಳು ಕಲೆಯನ್ನು ರಚಿಸಿದ್ದಾರೆ. ಇದಕ್ಕಾಗಿ ಸುಮಾರು 7 ಟನ್ ಮರಳನ್ನು ಬಳಸಿದ್ದಾರೆ. ಪ್ರಧಾನಿ ಅವರ ಮಾಸಿಕ ರೇಡಿಯೋ ಕಾರ್ಯಕ್ರಮ ಮನ್ ಕಿ ಬಾತ್ ನ 100ನೇ ಸಂಚಿಕೆ ನಾಳೆ (ಭಾನುವಾರ) ಪ್ರಸಾರವಾಗಲಿದೆ. ಪ್ರಧಾನಿ ನರೇಂದ್ರ ಮೋದಿ ಅವರು ತಮ್ಮ ಭಾಷಣದ ಮೂಲಕ ದೇಶದ ಜನರೊಂದಿಗೆ ಅಭಿಪ್ರಾಯ ವಿನಿಮಯ ಮಾಡಿಕೊಳ್ಳಲಿದ್ದಾರೆ.

ಈ ಕುರಿತು ಟ್ವೀಟ್​ ಮಾಡಿರುವ ಮರಳು ಕಲಾವಿದ ಸುದರ್ಶನ್​, ಏಪ್ರಿಲ್ 30 ರಂದು, ದಯವಿಟ್ಟು ಗೌರವಾನ್ವಿತ ಪ್ರಧಾನ ಮಂತ್ರಿ ಶ್ರೀ ನರೇಂದ್ರ ಮೋದಿ ಜೀ ಅವರ ಅತ್ಯಂತ ಜನಪ್ರಿಯ ಮನ್​ ಕಿ ಬಾತ್​ ಕಾರ್ಯಕ್ರಮದ 100 ನೇ ಆವೃತ್ತಿಯ ಆಲಿಸ. ಒಡಿಶಾದ ಪುರಿ ಬೀಚ್‌ನಲ್ಲಿ ಸ್ಯಾಂಡ್​​​ಆರ್ಟ್‌ನಲ್ಲಿ ಮನ್ ಕಿ ಬಾತ್‌ನ ಸ್ಮರಣೀಯ ಸಂಚಿಕೆ  ಆಚರಿಸಲು ಮತ್ತು ಸ್ವಾಗತಿಸಲು ನಾನು 100 ಮರಳು ರೇಡಿಯೊಗಳನ್ನು ರಚಿಸಿದ್ದೇನೆ ಎಂದು ಸುದರ್ಶನ್ ಟ್ವೀಟ್ ಮಾಡಿದ್ದಾರೆ. 

ಇದನ್ನೂ ಓದಿ:ಕಾರಿನಲ್ಲಿ ಕೂರುವ ವೇಳೆ ಸ್ಲಿಪ್​​​ ಆದ ಸಿದ್ದರಾಮಯ್ಯ: ನೀರು ಕೊಟ್ಟು ಆರೈಕೆ ಮಾಡಿದ ಸಹಾಯಕ