ಕೆಸರಿನಲ್ಲಿ ಸಿಲುಕಿತು ರಾಯಚೂರು ಮತ್ಸ್ಯಾಲಯ ಉದ್ಘಾಟನೆಗೆ ಬಂದ ಸಚಿವರ ಕಾರು - Raichur Fishery

ರಾಯಚೂರು: ನಗರದ ಮಾವಿನಕೆರೆ ಬಳಿ ನಿರ್ಮಾಣವಾಗಿರುವ ಮತ್ಸ್ಯಾಲಯ ಉದ್ಘಾಟನೆ ಕಾರ್ಯಕ್ರಮಕ್ಕೆ ಸಚಿವ ಶಂಕರ್ ಬಿ.ಪಾಟೀಲ್ ಮುನೇನಕೊಪ್ಪ ಆಗಮಿಸಿದ್ದರು. ಆದರೆ ಸಚಿವರ ಕಾರು ಕೆಸರಿನಲ್ಲಿ ಸಿಲುಕಿ ಪರದಾಡಿದ ಘಟನೆ ಮಾವಿನಕೆರೆ ಗಾರ್ಡನ್ ಬಳಿ ನಡೆದಿದೆ. ರಾಯಚೂರು ಜಿಲ್ಲಾಧಿಕಾರಿ ಹಾಗೂ ಸಿಇಒ ಕಾರುಗಳೂ ಸಹ ಕೆಸರಿನಲ್ಲಿ ಸಿಲುಕಿದ್ದವು. ಕಾರ್ ಅನ್ನು ಹೊರ ತೆಗೆಯಲು ಗನ್ ಮ್ಯಾನ್‌ಗಳು, ಪೊಲೀಸ್ ಸಿಬ್ಬಂದಿ ಹರಸಾಹಸ ಪಟ್ಟರು. ಬಳಿಕ ಪೊಲೀಸರು ಹಾಗೂ ಸ್ಥಳೀಯರ ಸಹಾಯದಿಂದ ಕಾರುಗಳನ್ನು ಡ್ರೈವರ್​ಗಳು ಕೆಸರಿನಿಂದ ಹೊರತೆಗೆದರು.