ಗೋದಾಮುವಿನಲ್ಲಿ ಅಗ್ನಿ ಅವಘಡ .. ಗ್ಯಾಸ್​ ಸಿಲಿಂಡರ್​ಗಳು ಸ್ಫೋಟ, ಬೈಕ್​ ಬಿಡಿಭಾಗಗಳು ಭಸ್ಮ - ಶಾರ್ಟ್​ ಸರ್ಕ್ಯೂಟ್​ನಿಂದಾಗಿ ಬೆಂಕಿ

ಗುಜರಾತ್​ನ ವಡೋದರಾದ ಹಲೋಲ್ ರಸ್ತೆಯಲ್ಲಿರುವ ಬೈಕ್​ಗಳ ಬಿಡಿ ಭಾಗಗಳ ಗೋದಾಮುವಿಗೆ ಬೆಂಕಿ ಹೊತ್ತಿಕೊಂಡ ಘಟನೆ ಬೆಳಕಿಗೆ ಬಂದಿದೆ. ಶಾರ್ಟ್​ ಸರ್ಕ್ಯೂಟ್​ನಿಂದಾಗಿ ಬೆಂಕಿ ಹೊತ್ತಿಕೊಂಡಿರಬಹುದೆಂದು ಪೊಲೀಸರು ಶಂಕೆ ವ್ಯಕ್ತಪಡಿಸಿದ್ದಾರೆ. ಕೃಷ್ಣಾ ಆಶ್ರಯ್ ಕಂಪನಿಯ ಗೋದಾಮುವಿನಲ್ಲಿ ಬೆಂಕಿ ಕಾಣಿಸಿಕೊಂಡ ಬಳಿಕ ಸಿಲಿಂಡರ್​ಗಳು ಸ್ಫೋಟಗೊಂಡಿದ್ದು, ಬೆಂಕಿಯ ತೀವ್ರತೆ ಮತ್ತಷ್ಟು ಉಲ್ಬಣಗೊಂಡಿದೆ. ಬೆಂಕಿಯ ಘಟನೆಯ ನಂತರ, ವಡೋದರಾ ಅಗ್ನಿಶಾಮಕ ದಳದ ವಾಹನಗಳು ಬೆಂಕಿಯನ್ನು ಹತೋಟಿಗೆ ತಂದವು. ಮೋಟಾರ್ ಬೈಕ್​ನ ಟೈರ್, ಬ್ಯಾಟರಿ, ಬಿಡಿ ಭಾಗಗಳು ಬೆಂಕಿಗಾಹುತಿಯಾದವು. ಬೆಂಕಿ ಹೊತ್ತಿಕೊಂಡ ಪರಿಣಾಮ ಸ್ಥಳದಿಂದ ಒಂದು ಕಿಲೋಮೀಟರ್ ದೂರದವರೆಗೆ ಜನರನ್ನು ನಿಲ್ಲಿಸಲಾಯಿತು. ವಾಹನಗಳ ಸಂಚಾರಕ್ಕೂ ತೊಂದರೆಯಾಗಿತ್ತು.