ಕತ್ತಲಾಗುತ್ತಿದ್ದಂತೆ ಮನೆ ಮುಂದೆ ಸುತ್ತಾಡುತ್ತಿರುವ ಚಿರತೆ.. ಸಿಸಿಟಿವಿಯಲ್ಲಿ ಚಲನವಲನ ಸೆರೆ - ಲಿಂಗದಳ್ಳಿ ಗ್ರಾಮದಲ್ಲಿ ಚಿರತೆ ಹಾವಳಿ

ದಾವಣಗೆರೆ: ಜಿಲ್ಲೆಯ ಚನ್ನಗಿರಿ ತಾಲೂಕಿನ ಲಿಂಗದಳ್ಳಿ ಗ್ರಾಮದಲ್ಲಿ ಚಿರತೆ ಹಾವಳಿ ಹೆಚ್ಚಾಗಿದ್ದು, ಲಿಂಗದಳ್ಳಿ ಗ್ರಾಮದ ಲೋಕೇಶ್​ ನಾಯ್ಕ ಅವರ ಮನೆಯ ಮುಂದೆ ಚಿರತೆಯ ಚಲನವಲನ ಕಂಡು ಬಂದಿದೆ. ಹೀಗಾಗಿ, ಮಾಲೀಕ ಲೋಕೇಶ್​ ಹೌಹಾರಿದ್ದಾರೆ. ಮೊದಲಿಗೆ ಮನೆಯ ಅಂಗಳದಲ್ಲಿ ಸುತ್ತಾಡಿರುವ ಚಿರತೆ ನಂತರ ಲೋಕೇಶ್​ ನಾಯ್ಕ ಅವರನ್ನು ನೋಡಿ ಪರಾರಿಯಾಗಿರುವ ಘಟನೆ ಜರುಗಿದೆ. ಇನ್ನು ಅನಾಹುತ ಆಗುವ ಮೊದಲು ಎಚ್ಚೆತ್ತುಕೊಂಡು ಚಿರತೆ ಸೆರೆ ಹಿಡಿಯುವಂತೆ ಗ್ರಾಮಸ್ಥರು ಅರಣ್ಯ ಇಲಾಖೆಗೆ ಮನವಿ ಮಾಡಿದ್ದಾರೆ.