ಮಹಿಳೆಗೆ ಅಪರೂಪದ ಖಾಯಿಲೆ: ಕಿಮ್ಸ್ ವೈದ್ಯರಿಂದ ಮರುಜೀವ- ವಿಡಿಯೋ

ಹುಬ್ಬಳ್ಳಿ: 10 ಲಕ್ಷ ಜನರಲ್ಲಿ ಒಬ್ಬರಿಗೆ ಕಾಣಿಸಿಕೊಳ್ಳುವ ಅಪರೂಪದ ಕಾಯಿಲೆಗೆ ತುತ್ತಾಗಿದ್ದ ಮಹಿಳೆಯೊಬ್ಬರಿಗೆ ಯಶಸ್ವಿ ಶಸ್ತ್ರಚಿಕಿತ್ಸೆ ನಡೆಸುವ ಮೂಲಕ ಹುಬ್ಬಳ್ಳಿಯ ಕಿಮ್ಸ್​ ಆಸ್ಪತ್ರೆ ವೈದ್ಯರು ಮರುಜೀವ ನೀಡಿದ್ದಾರೆ. ಮಹಿಳೆಯ ಹೆಸರು ನೀಲವ್ವ ನಾಗರಳ್ಳಿ. ಇವರಿಗೆ ವಯಸ್ಸು 54 ವರ್ಷ. ಮೂಲತಃ ಧಾರವಾಡ ಜಿಲ್ಲೆಯ ಕುಂದಗೋಳ ತಾಲೂಕಿನ ಕುಬಿಹಾಳ ನಿವಾಸಿ.

ಕಳೆದ ಒಂದು ವರ್ಷದಿಂದ ಇವರು ಪೆರಿಕಾರ್ಡಿಯಲ್​ ಸಿಸ್ಟ್​ (ಹೃದಯದ ಮೇಲೆ ಗೆಡ್ಡೆ) ಎಂಬ ಕಾಯಿಲೆಯಿಂದ ಬಳಲುತ್ತಿದ್ದರು. ಹೃದಯದ ಗೆಡ್ಡೆಯಾದ್ದರಿಂದ ಉಸಿರಾಟದ ಸಮಸ್ಯೆ ಎದುರಿಸುತ್ತಿದ್ದರು. ಅದಲ್ಲದೇ ಮುಖ ಬಾವು ಬರುತ್ತಿತ್ತು. ಕೆಲವು ಕ್ಷಣ ಉಸಿರು ನಿಂತಂತೆಯೂ ಆಗುತ್ತಿತ್ತಂತೆ. ಈ ಕಾಯಿಲೆ ಹತ್ತು ಲಕ್ಷ ಜನರಲ್ಲಿ ಒಬ್ಬರಿಗೆ ಕಾಣಿಸಿಕೊಳ್ಳುತ್ತದೆ ಎಂದು ಕಿಮ್ಸ್ ಕಾರ್ಡಿಯಾಲಜಿಸ್ಟ್ ವಿಭಾಗ ಮುಖ್ಯಸ್ಥ ಎಂ.ಎಂ.ಕಟ್ಟಿಮನಿ ಹೇಳಿದರು. 

ಚಿಕಿತ್ಸೆ ಕೊಡಿಸಲು ಹಣವಿಲ್ಲದೇ ಕುಟುಂಬದವರು ನೀಲವ್ವ ಅವರನ್ನು ಕಿಮ್ಸ್​ ಆಸ್ಪತ್ರೆಗೆ ದಾಖಲಿಸಿದ್ದರು. ನೀಲವ್ವ ಇದೀಗ ಎಂದಿನಂತೆ ಲವಲವಿಕೆಯಿಂದ ಓಡಾಡುತ್ತಿದ್ದಾರೆ‌. ವೈದ್ಯರ ಕಾರ್ಯಕ್ಕೆ ಕುಟುಂಬ ಕೃತಜ್ಞತೆ ಅರ್ಪಿಸಿದೆ.

ಇದನ್ನೂ ನೋಡಿ:ನವಜಾತ ಶಿಶುವಿನ ನಾಲಗೆಯ ಬುಡದಲ್ಲಿ ಸಿಸ್ಟ್: ಮಂಗಳೂರಿನ ವೈದ್ಯರಿಂದ ಶಸ್ತ್ರಚಿಕಿತ್ಸೆ