ಅಪಘಾತಕ್ಕೀಡಾಗಿ ಶಾಲೆಯ ಗೋಡೆ, ಮರವೇರಿದ ಕಾರು: ವಿಡಿಯೋ - ಪಂಜಾಬ್​ ಕಾರು ಅಪಘಾತ

ವೇಗವಾಗಿ ಬರುತ್ತಿದ್ದ ಕಾರು ಎದುರಿಗೆ ಬಂದ ಪಾದಚಾರಿಯನ್ನು ತಪ್ಪಿಸಲು ಹೋಗಿ ಶಾಲೆಯ ಗೋಡೆಗೆ ಗುದ್ದಿ, ಪಕ್ಕದಲ್ಲಿದ್ದ ಮರದ ಮೇಲೆ ಹಾರಿ ಸಿಲುಕಿಕೊಂಡ ಘಟನೆ ಪಂಜಾಬ್​ನ ಮೋಗಾದಲ್ಲಿ ಇಂದು ನಡೆದಿದೆ. ಕಾರಿನಲ್ಲಿದ್ದ ಇಬ್ಬರು ಗಂಭೀರವಾಗಿ ಗಾಯಗೊಂಡಿದ್ದು, ಆಸ್ಪತ್ರೆಗೆ ದಾಖಲಿಸಲಾಗಿದೆ. ಅತಿ ವೇಗದಲ್ಲಿ ಕಾರು ಬ್ರೇಕ್​ ಹಾಕಿದ ರಭಸಕ್ಕೆ ಪಲ್ಟಿ ಹೊಡೆದು ಗೋಡೆಗೆ ಗುದ್ದಿ ಮೇಲಕ್ಕೆ ಹಾರಿ, ಮರದ ಟೊಂಗೆಯೊಳಗೆ ಸಿಲುಕಿದೆ. ಈ ವಿದ್ಯಮಾನ ಕಂಡು ಜನರು ಅಚ್ಚರಿ ವ್ಯಕ್ತಪಡಿಸಿದ್ದಾರೆ.