ಬೆಂಗಳೂರಲ್ಲಿ ವರುಣನ ಅವಾಂತರ.. ಮನೆಗಳಿಗೆ ನುಗ್ಗಿದ ನೀರು ! - ಬೆಂಗಳೂರಲ್ಲಿ ವರುಣನ ಅವಾಂತರ

ಬೆಂಗಳೂರು ನಗರದಲ್ಲಿ ಭಾರಿ ಮಳೆಯಾಗುತ್ತಿದ್ದು, ಜನಜೀವನ ಅಸ್ತವ್ಯಸ್ತವಾಗಿದೆ. ನಗರದಲ್ಲಿನ ವರುಣನ ಆರ್ಭಟ ಜೋರಾಗಿರುವುದು ಹಬ್ಬದ ತಯಾರಿಯ ಸಂಭ್ರಮಕ್ಕೆ ಬ್ರೇಕ್ ಹಾಕಿದೆ. ಹಲವಾರು ಮನೆಗಳಿಗೆ ನೀರು ನುಗ್ಗಿತ್ತು. ಜೊತೆಗೆ ಟ್ರಾಫಿಕ್​ ಜಾಮ್​ ಉಂಟಾಗಿ ಆಟೋ, ದ್ವಿಚಕ್ರ ವಾಹನ ಸವಾರರು ಪರದಾಡುವ ಸ್ಥಿತಿ ನಿರ್ಮಾಣವಾಗಿತ್ತು. ಮಲ್ಲೇಶ್ವರಂ 8ನೇ ಕ್ರಾಸ್​​ನಲ್ಲಿ ಮರದ ಕೊಂಬೆ ಮುರಿದು ಕಾರಿನ ಮೇಲೆ ಬಿದ್ದಿದೆ. ಅದೃಷ್ಟವಶಾತ್ ಯಾವುದೇ ಪ್ರಾಣ ಹಾನಿ ಸಂಭವಿಸಿಲ್ಲ.